კამპანიის „ავიცრათ ერთმანეთისთვის“ ფარგლებში, ინფლუენსერების და ცნობადი სახეების შეხვედრა გაიმართა

ვაქცინაციის წამახალისებელ კამპანიას „ავიცრათ ერთმანეთისთვის“ ინფლუენსერები, საზოგადოებრივი აზრის ლიდერები, ასევე, სხვადასხვა სფეროს წარმომადგენლები შეუერთდნენ.

საინიციატივო ჯგუფის წევრებმა მეორე სამუშაო შეხვედრა გამართეს, სადაც იდეები გაცვალეს და კამპანიის სამოქმედო გეგმა შეიმუშავეს. კამპანიის მონაწილეებს რესტორანმა „რობერომ“ უმასპინძლა.

ვაქცინაციის პროცესის გააქტიურების ხელშეწყობა, მისი აუცილებლობისკენ მოწოდება და იმუნიზაციის პროცესის შესახებ მოსახლეობაში ინფორმაციის მაქსიმალურად გავრცელება - ეს არის ჯგუფის წევრების მთავარი მიზნები.

იდეის ავტორი, სტრატეგიული კომუნიკაციების ექსპერტი, კომპანია "influencer.ge" - ის დამფუძნებელი ნინა პერტენავა აცხადებს, რომ კამპანიას უკვე მრავალი ადამიანი დიდი ენთუზიაზმით შეუერთდა და მომდევნო აქტივობებიც გაცილებით უფრო აქტიური იქნება.

„თითქმის ორი კვირა სრულდება, რაც ჩვენი კამპანია აქტიურ ფაზაში შევიდა. უამრავი ადამიანი შემოგვიერთდა ენთუზიაზმით და აბსოლუტურად უსასყიდლოდ გვეხმარებიან. ძალიან მიხარია, რომ ამდენმა ადამიანმა გაიზიარა ეს პასუხისმგებლობა და ცდილობს, ხალხს მიაწვდინოს თავიანთი პირადი ისტორიები და მოსაზრებები.

შემოგვიერთდნენ ახალი ადამიანები. ძალიან საინტერესო აქტივობები დაიგეგმა და შემდეგი ნაბიჯები გაცილებით უფრო აქტიური იქნება. თითოეული ადამიანის სიცოცხლე, რომელიც გადარჩება ამ კამპანიის შედეგად, ჩვენთვის უდიდესი ბედნიერებაა“,- აღნიშნა ნინა პერტენავამ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია