ალეკო ელისაშვილი უმრავლესობას - ასეთი გადაჭარბებული აღტკინება და ყიჟინა ხალხს აზიანებს, იქნებ ღარიბაშვილს უთხრათ - ჩვენს ჯიბესა და მაცივრებზე ვგრძნობთ ეკონომიკა გაიზარდა თუ არა

ასეთი გადაჭარბებული აღტკინება და ყიჟინა ხალხს აზიანებს, იქნებ ღარიბაშვილს კეთილისმყოფელებმა უთხრათ, რომ ასე არ შეიძლება. პირდაპირ ჩვენს ჯიბეზე და მაცივრებზე ვგრძნობთ ეკონომიკა გაიზარდა თუ არა, - ამის შესახებ პარტია „მოქალაქეების“ დეპუტატმა ალეკო ელისაშვილმა პარლამენტის საშემოდგომო სესიის პლენარულ სხდომაზე სიტყვით გამოსვლისას განაცხადა.

ელისაშვილის განცხადებით, შესაძლოა, ირაკლი ღარიბაშვილს გულწრფელად უნდა, რომ ქვეყნის ეკონომიკა გაიზარდოს, მაგრამ ის არის პრემიერ-მინისტრი და „არ შეიძლება ასე ბაქიბუქით ლაპარაკი“.

„პრემიერ-მინისტრი ბოლო დროს დიდი აღტაცებით და ყიჟინით გვეუბნება, რომ არნახულად იზრდება ჩვენი ეკონომიკა და ევროპასაც კი ვაოცებთ. როდესაც სრულიად გაჩერებული იყო ქვეყანა, ახლა რაღაც გაფაჩუნდა და ზრდა არის გასაგებია, მაგრამ ასეთი გადაჭარბებული აღტკინება ხალხს აზიანებს. იქნებ ღარიბაშვილს კეთილისმყოფელებმა უთხრათ, რომ ასე არ შეიძლება. პირდაპირ ჩვენს ჯიბეზე და მაცივრებზე ვგრძნობთ ეკონომიკა გაიზარდა თუ არა, თან ჩრდილოეთ კორეაში ხომ არ ვცხოვრობთ, რაც უნდა ის რომ დაგვაჯეროს მთავრობამ. შეგვიძლია გადავამოწმოთ ევროპაში რა ხდება და რა როგორ იზრდება. მესმის, რომ გულწრფელად უნდა გაიზარდოს ამ ქვეყნის ეკონომიკა, მაგრამ ის არის პრემიერ-მინისტრი, არ შეიძლება ასე ბაქიბუქით ლაპარაკი, ხალხის გაღიზიანების გარდა არაფერს იწვევს, კარგი იქნება თუ რეალისტურად ილაპარაკებს და არა ასე გაბუქებით“, - აღნიშნა ალეკო ელისაშვილმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია