მიხეილ საკაშვილი - ჩვენი გამარჯვება ძალიან ახლოსაა - ისინი არიან ძალიან სუსტები, შეშინებულები და კედელთან მიყუჟულები
ეს მწამებლური გზა უფრო სწორია ჩემთვის და ბევრი თქვენგანისთვის, - ამის შესახებ საქართველოს ყოფილმა პრეზიდენტმა, მიხეილ სააკაშვილმა მის სასამართლო პროცესზე განაცხადა.
როგორც მან აღნიშნა, სიკვდილისთვისაც მზად იყო.
„ასე გაგრძელება აღსასრულს ნიშნავს. რომ ვთქვი, სიკვდილისთვის მზად ვარ, თქვენც ნახეთ, რომ ამისთვის აბსოლუტურად მზად ვიყავი და ახლაც მზად ვარ. ჩვენ ძალიან მკაცრად უნდა ვიკამათოთ, ვისაუბროთ, იდეების გენერაცია მოვახდინოთ“,-განაცხადა სააკაშვილმა.
საქართველოს ყოფილი პრეზიდენტის თქმით, ქვეყანა კი არ იმართება, ინგრევა.
„დარწმუნებული ვარ, ჩვენი გამარჯვება ძალიან ახლოსაა. ისინი არიან ძალიან სუსტები, შეშინებულები და კედელთან მიყუჟულები. ამჯერად თავის დაძვრენის საშუალება არავის მივცეთ. საზოგადოება უნდა გაერთიანდეს. საქართველოს აქვს სუპერ მომავალი, ეს იქნება სუპერ სახელმწიფო. აქ რაიმე თანამდებობისთვის არ მივისწრაფვი, მაგრამ ერთი სული მაქვს, უკრაინელებს, სომხებს, აზერბაიჯანელებს და ა.შ როგორ შეშურდებათ ისევ ჩვენი. ახლა ყველაზე მაჩანჩალა ვართ“,-განაცხადა სააკაშვილმა.
v-if="article.gallery" v-html="article.gallery"
