არსებობს წიგნები, რომლებიც წაკითხვის შემდეგ მალევე გავიწყდება და არსებობს ისეთი წიგნებიც, რომელთა დავიწყება უბრალოდ შეუძლებელია! სწორედ ასეთი წიგნია „სამოსელი პირველი“.

გურამ დოჩანაშვილის რომანი „სამოსელი პირველი“ პირველად, 1975 წელს გამოიცა. ამბავი თავგადასავლების მაძიებელი ბიჭის - დომენიკოს შესახებ გვიყვება, რომელზეც დიდი შთაბეჭდილება მოახდინა იდუმალებით მოცული კაცის - ლტოლვილის ნაამბობმა და თავგადასავლების საძებნელად, „ლამაზ ქალაქში“ გაეშურა.

გურამ დოჩანაშვილი ქართველი კლასიკოსი მწერალი და თანამედროვე ლიტერატურის ერთ-ერთი მნიშვნელოვანი წარმომადგენელი იყო. მისი შემოქმედება მრავალ ენაზეა თარგმნილი, მათზე იღებდნენ ცნობილ კინოფილმებს, დგამდნენ სპექტაკლებს. დოჩანაშვილი 2021 წლის 3 აპრილს გარდაიცვალა. მწერალმა „ლიტერატურის განვითარებაში შეტანილი განსაკუთრებული წვლილისთვის“ ლიტერატურული პრემია „საბა“ აიღო.

მათ, ვისაც განსაკუთრებულად უყვარს დოჩანაშვილი და მისი შემოქმედება, წიგნის მაღაზიათა ქსელი „ბიბლუსი“ ექსკლუზიურად, სპეციალური დაკვეთით „სამოსელი პირველის“ ახალ ლიმიტირებულ გამოცემას შესთავაზებს, რომელიც ხელმისაწვდომი მხოლოდ „ბიბლუსის“ ქსელში იქნება.

ტირაჟი მხოლოდ 5000 წიგნს მოიცავს. ყოველი წიგნი დანომრილია და მასზე უნიკალური კოდია დატანილი. აქვს ხავერდოვანი და მოოქროვილი ყდა, დამცავი გარეკანით.

ასევე, წიგნს აქვს სპეციალურად გამოყოფილი ადგილი წიგნის მფლობელის სახელის ან სპეციალური, სამახსოვრო ჩანაწერის გასაკეთებლად. ამ მხრივ, „სამოსელი პირველის“ ლიმიტირებული გამოცემა იდეალური და ძალიან ამაღელვებელი საჩუქარი იქნება!

გაითვალისწინეთ, რომ „სამოსელი პირველი“ ექსკლუზივების სერიის პირველი წიგნია, რომელიც ლიმიტირებულად - „ბიბლუსის“ დაკვეთით დაიბეჭდა და ამ დიზაინით ტირაჟი აღარ განახლდება.

წიგნის შეძენას 6 დეკემბრიდან, „ბიბლუსის“ წიგნის მაღაზიებში შეძლებთ. სამი დღით ადრე კი, წიგნები ექსკლუზიურად მხოლოდ ინოვაციურ სავაჭრო სივრცე -„მულტიში“ იქნება წარმოდგენილი. (ჭავჭავაძის N74/76, ფალიაშვილის ქუჩის მოპირდაპირედ, ვაკის პარკის შესასვლელთან ).

ექსკლუზივების სერიის ფარგლებში, ბევრი სხვა საინტერესო მწერლის ნაწარმოების ხილვა იქნება შესაძლებელი.

(R)