პაატა მანჯგალაძე - თეა წულუკიანს ალბათ, რომ ჰქონოდა შესაძლებლობა „მაუზერსაც“ დააყრიდა ოპონენტებს, ვინც არ მოსწონდა

წულუკიანს რომ ჰქონოდა შესაძლებლობა და შესაბამისი ძალაუფლება, „მაუზერსაც“ დააყრიდა ოპონენტებს, ისეთი მძიმე ფსიქოლოგიური მდგომარეობა ჰქონდა,- ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ კულტურისა და სპორტის მინისტრის თეა წულუკიანის გამოსვლასთან დაკავშირებით განაცხადა, რომელსაც გუშინ საქართველოს პარლამენტის საშემოდგომო სესიის პლენარულ სხდომაზე „მინისტრის საათის“ ფარგლებში უსმენდნენ.

მანჯგალაძის შეფასებით, ალბათ, სწორედ თეა წულუკიანის მსგავსები იყვნენ ბოლშევიკები, რომლებიც ადამიანებს ხვრეტდნენ.

„წულუკიანს ძალიან მძიმე გამოსვლა ჰქონდა საქართველოს პარლამენტში, არ უსაუბრია არანაირ მიღწევაზე, ისაუბრა და ლანძღავდა ოპონენტებს.თავიდანვე მოვუწოდე, რომ შხამის ნთხევა არ ემსახურებოდა საერთო ინტერესს, მაგრამ ქალბატონმა წულუკიანმა უფრო წარმატებით გააგრძელა. ალბათ, მას რომ ჰქონოდა შესაძლებლობა და შესაბამისი ძალაუფლება, „მაუზერსაც“ დააყრიდა ოპონენტებს, ვინც არ მოსწონდა, იქ ვინც იყო წარმოდგენილი, ასე ცარიელ სკამებსაც სიამოვნებით დაუშენდა „მაუზერს“, ისეთი მძიმე ფსიქოლოგიური მდგომარეობა ჰქონდა თეა წულუკიანს. დამრჩა შთაბეჭდილება, როცა ვკითხულობ ხოლმე 20-იანი წლების ბოლშევიკებზე, ალბათ, ასეთები იყვნენ ის ბოლშევიკები, რომლებიც ადამიანებს ხვრეტდნენ,“- განაცხადა პაატა მანჯგალაძემ.

ცნობისთვის, გუშინ პარლამენტში გამოსვლისას თეა წულუკიანმა პაატა მანჯგალაძეს მიმართა და უთხრა, რომ არც მისი სახელი და გვარი და არც ის იცოდა, თუ რომელ პარტიას წარმოადგენდა ის. „მე არ ვიცი, რომელ პარტიას წარმოადგენთ, თქვენი გვარი და სახელიც დღეს გავიგე, მაგრამ ჩემი გამოსვლის შესავალში, არ იყო არც სიძულვილი და არც შხამის ნთხევა, თუმცა, ყველაფერი წინ არის. პარტია არ ვიცი და აცდით შხამს!“ - მიმართა წულუკიანმა პაატა მაჯგალაძეს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!