გია ხუხაშვილი - მმართველი გუნდი შოკოლადშია, ახლა ბევრად უფრო დიდი კომფორტი აქვთ, რომ სააკაშვილზე იხითხითონ, იღადაონ და მარგალიტები როშონ, ვითომ ქვეყანაში სხვა პრობლემა არ ყოფილა - მერე გაუშვებენ ან რაღაცას იზამენ

ჭორი რა შუაშია, ვერ გავიგე. სანამ მისი ჯანმრთელობის მდგომარეობა მოითხოვს, რომ ის იყოს საავადმყოფოში, ის უნდა იყოს საავადმყოფოში. ჯანმრთელობა როდესაც გამოუსწორდება, გადაიყვანენ ციხეში, ჭორი რა შუაშია, აბა რა უნდა გააკეთონ?, - ასე ეხმაურება ექსპერტი გია ხუხაშვილი „პალიტრანიუსის“ გადაცემაში „360 გრადუსი“ მიხეილ სააკაშვილის განცხადებას, რომლის მიხედვითაც, სუს-ი ჭორებს ავრცელებს, რომ მიხეილ სააკაშვილს გორის ჰოსპიტლიდან რუსთავის ციხეში დააბრუნებენ.

მისი თქმით, მიხეილ სააკაშვილის უცხოეთში სამკურნალოდ გაგზავნა ამ ეტაპზე არალოგიკურია, რადგან მას განსაკუთრებული ტიპის მკურნალობა, რისი საშუალებაც საქართველოში არ არის, არ სჭირდება.

ამასთან, ხუხაშვილის თქმით, მიუხედავად იმისა, რომ ციხეში მყოფი სააკაშვილი ხელისუფლებისთვის „თავისტკივილია“ ამ ვითარებიდან „ქართული ოცნება“ პოლიტიკურ სარგებელსაც ნახულობს.

„უცხოეთთან დაკავშირებით ლოგიკა არ ჩანს, მისი მდგომარეობა არ არის ამდენად მძიმე, რომ მას სჭირდებოდეს, განსაკუთრებული იმ ტიპის მკურნალობა, რისი ტექნიკური საშუალებაც საქართველოში არ არის. მიუხედავად იმისა, რომ თავისტკივილია მათთვის სააკაშვილი, ხელისუფლება სერიოზულ პოლიტიკურ სარგებელს ნახულობს. გამოწოვენ ამ სიტუაციიდან მაქსიმუმს და მერე ან გაუშვებენ ან რაღაცას იზამენ.

მმართველი გუნდი არის შოკოლადში. მათ ახლა ბევრად უფრო დიდი კომფორტი აქვთ, რომ მიხეილ სააკაშვილზე ყოველდღე იხითხითონ, იღადაონ და რაღაც მორიგი მარგალიტები როშონ, ვიდრე ილაპარაკონ პანდემიის მართვაზე, უმუშევრობაზე, ინფლაციაზე, ახალი წელი მოდის და ხალხს რომ არ აქვს იმის საშუალება, მეტ-ნაკლებად ღირსეულად დახვდეს ახალ წელს და ა.შ. ურჩევნიათ სააკაშვილზე ილაპარაკონ, სააკაშვილის გარდა თურმე ამ ქვეყანაში სხვა პრობლემა არ ყოფილა. ან მოსმენების თემა სად დაიკარგა, გაყალბებულია არჩევნებიო როყიოდ რომ მოითხოვენ ხოლმე, ახსოვს ვინმეს ეს? არავის არ ახსოვს, მიშაა მთავარი თემა, მთავარია მიშა იყოს კარგად, თორემ დანარჩენი დაქცეულა ეს ქვეყანა, ვის აინტერესებს“, - განაცხადა გია ხუხაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!