საქართველოს საგანგებო და სრულუფლებიანმა ელჩმა პოლონეთის რესპუბლიკაში, ზურაბ ბერიძემ, პოლონეთის რესპუბლიკის პრეზიდენტს, ანდჟეი დუდას რწმუნებათა სიგელები გადასცა.

ამის შესახებ ინფორმაციას საგარეო საქმეთა სამინისტრო ავრცელებს.

მათივე ინფორმაციით, ცერემონიის შემდეგ გამართულ აუდიენციაზე განხილული იქნა საქართველოსა და პოლონეთს შორის არსებული ურთიერთობების დინამიკა და ორმხრივი თანამშრომლობის სამომავლო პერსპექტივები.

ამასთანავე, ღონისძიების ფარგლებში ელჩმა გვირგვინით შეამკო უცნობი ჯარისკაცის საფლავი და ჩანაწერი გააკეთა სამახსოვრო წიგნში.