გიორგი ვაშაძე - თუ არ ვილაპარაკეთ ერთმანეთთან, გამოსავალს ვერასდროს მოვძებნით - პირობები რა უნდა დავაყენოთ, როცა ყველა პირობა დარღვეულია „ქართული ოცნების" მხრიდან

თუ არ ვილაპარაკეთ ერთმანეთთან, გამოსავალს ვერასდროს მოვძებნით - პირობები რა უნდა დავაყენოთ, როცა ყველა პირობა დარღვეულია „ქართული ოცნების" მხრიდან, - ამის შესახებ ჟურნალისტებთან „სტრატეგია აღმაშენებლის" ლიდერმა გიორგი ვაშაძემ განაცხადა, რითაც პრეზიდენტთან გუშინ გამართულ საახალწლო მიღებას გამოეხმაურა.

მისი თქმით, წინაპირობების დაყენება სწორი მიდგომა არ არის.

"გუშინდელ შეხვედრას და გზავნილებს დავარქმევდი მცდელობას პრეზიდენტის მხრიდან, რომ გარკვეული ნაბიჯები გადაიდგას, მე ჯერჯერობით, სამწუხაროდ, სკეპტიკურად ვარ განწყობილი, რადგან "ქართულ ოცნებას" არანაირი სურვილი არ აქვს პროცესი თანხმობისკენ წავიდეს და ამას მათი განცხადებებიც ადასტურებს. თუმცა, ჩვენ მცდელობა არ უნდა დავაკლოთ წნეხის გაძლიერების "ქართულ ოცნებაზე". "სტრატეგია აღმაშენებელი" ყველაფერს გააკეთებს, რომ ქვეყანა დაუბრუნდეს ნორმალურ ცხოვრებას და გაუთავებელი პოლიტიკური კრიზისი აღმოიფხვრას. თუმცა, ამისთვის აუცილებელია "ქართული ოცნების" იძულება, რომ ნაბიჯები გადაიდგას. საერთოდ, თუ არ ვილაპარაკეთ ერთმანეთთან, გამოსავალს ვერასდროს მოვძებნით. პირობები რა უნდა დავაყენოთ, ყველა პირობა დარღვეულია "ქართული ოცნების" მხრიდან, კიდევ ერთხელ ვამბობ, საუბარს წინ არაფერი უდგას, ყველა მექანიზმი და შესაძლებლობა უნდა გამოვიყენოთ, წინაპირობებზე საუბარი არასწორია,"- განაცხადა ვაშაძემ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს