გიორგი მშვენიერაძე - პოლიტიკური მართლმსაჯულების სიმბოლო არის მიხეილ სააკაშვილი და მისი პატიმრობა

პარტია "დროას" დამფუძნებელი ელენე ხოშტარია და უფლებადამცველი გიორგი მშვენიერიძე იურისტებს ხვდებიან.

როგორც ელენე ხოშტარიამ შეხვედრის დაწყებამდე განაცხადა, დღევანდელ შეხვედრაზე იმსჯელებენ პოლიტიკურ მართლმსაჯულებაზე, პოლიტიკურ დევნაზე და მათ შორის საქართველოს მესამე პრეზიდენტის მიხეილ სააკაშვილის საქმეზეც.

„მე და გიორგი მშვენიერაძემ ცოტა ხანია, რაც დავიწყეთ სხვადასხვა პროგრესიულ ჯგუფთან კონსულტაციები ზოგადად პოლიტიკურ დევნის საკითხზე. ეს არ არის მხოლოდ პარტიული საკითხი, ეს ეხება მთლიანად საზოგადოებას. ჩვენ საუბარი გვექნება ყველანაირი კონკრეტული პოლიტიკურ მიკერძოების გარეშე. შეხვედრებზე განსხვავებული პოლიტიკურ შეხედულების ხალხი გვყავს, რომელიც პროფესიული ეთიკით ხელმძღვანელობენ. გვინდა ვიმსჯელოთ პოლიტიკურ დევნაზე, მათ შორის მიხეილ სააკაშვილის საქმეზე. ეს ადამიანები ახსნიან რაშია პრობლემა ამ პოლიტიკური დევნის და რატომ ცდება ეს ერთ პერსონას და რატომ არის დამანგრეველი ქვეყნისთვის", - განაცხადა ხოშტარიამ.

თავის მხრივ, უფლებადამცველი გიორგი მშვენიერაძე აცხადებს, რომ პოლიტიკური მართლმსაჯულების სიმბოლო მიხეილ სააკაშვილი და მისი პატიმრობაა.

„ბოლო პერიოდში მიმდინარე პროცესები ცალსახად გვაჩვენებს, რომ შექმნილი მდგომარეობიდან საერთო გამოსავალი არის მოსაძებნი, რომელსაც, სამწუხაროდ, აღარ აქვს არც მხოლოდ პოლიტიკური, არც ისტორიული განზომილება. დიდი ხანია მას სამართლებრივი განზომილება აქვს, რადგან ბევრი საქმე სამართლიანად აღძრავს პოლიტიკურად მოტივირებულ ეჭვებს. ამ საქმეებზე მოსაძებნია გამოსავალი. დღეს მნიშვნელოვანია ჩემი კოლეგების მოსაზრებები მოვისმინოთ და ვნახოთ, რა სამართლებრივ გზებს ეძებენ, რომ მსგავსი პოლიტიკური მართლმსაჯულება თავიდან ავიცილოთ და მიმდინარე საქმეებზე იყოს მიღწეული გარკვეული გზების ძიება.

ერთ-ერთი ყველაზე თვალსაჩინო მაგალითი პოლიტიკური მართლმსაჯულების სიმბოლო არის მიხეილ სააკაშვილი და მისი პატიმრობა, რადგან შესაძლებელია არსებობდეს ადამიანებს შორის განსხვავებული მოსაზრებები იმასთან დაკავშირებით, რამდენად სწორი იყო ის პოლიტიკა, რომელიც სააკაშვილის დროს ტარდებოდა. მაგრამ როდესაც საქმე არის ამ საქმეებზე გადაწყვეტილებების მიღებაზე და მათ შორის მსჯავრდებაზე, ეს არის ძალიან ხარვეზიანი და მათ თან ერთვის პოლიტიკური მოტივები", - განაცხადა მშვენიერაძემ.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება