ზურაბ აბაშიძე - 2012 -2020 წლებში რუსეთის ბაზარზე გავიდა 2,5 მილიარდი აშშ დოლარის ღირებულების ქართული პროდუქცია

2012 -2020 წლებში რუსეთის ბაზარზე გავიდა 2,5 მილიარდი აშშ დოლარის ღირებულების ქართული პროდუქცია, - ამის შესახებ რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ საგარეო ურთიერთობათა კომიტეტის სხდომაზე პრაღის ფორმატზე ზოგადი ანგარიშის წარდგენისას განაცხადა.

მისი ინფორმაციით, მიმდინარე წლის 10 თვის მონაცემებით, სავაჭრო ბრუნვა გაიზარდა 22%-ით შარშანდელთან შედარებით, ექსპორტი - 37%-ით, ხოლო იმპორტი გაზრდილია 14%-ით.

„2011 წელს საქართველომ მხარი დაუჭირა რუსეთის გაწევრიანებას მსოფლიო სავაჭრო ორგანიზაციაში, რუსეთმა აიღო გარკვეული ვალდებულებები და ამ დიალოგის დაწყების შემდეგ, მიღწეულ იქნა ქართული პროდუქციის ექსპორტის აღდგენა რუსულ ბაზარზე. 2012 -2020 წლებში მიღწეულია საკმაოდ მნიშვნელოვანი დინამიკა - რუსეთის ბაზარზე გავიდა 2,5 მილიარდი აშშ დოლარის ღირებულების ქართული პროდუქცია. ამ წლის 10 თვის მონაცემებით, სავაჭრო ბრუნვა გაიზარდა 22%-ით შარშანდელთან შედარებით, ექსპორტი - 37%-ით და შეადგინა 482 მილიონი დოლარი, ხოლო იმპორტი გაზრდილია 14%-ით, შეადგინა 812 მილიონი. სულ 1,3 მილიარდის დოლარის სავაჭრო ბრუნვაა“, - განაცხადა ზურაბ აბაშიძემ.

ამასთანავე, როგორც მან განმარტა, რუსეთ-საქართველოს ურთიერთობებში არსებული მაღალი ტემპერატურის გარკვეული დოზით შემცირება და ორივე მხარისთვის მისაღებ საკითხებზე დიალოგის წარმოება, იყო საქართველოს ევროატლანტიკური ინტეგრაციის პროცესის ხელშემწყობი ფაქტორი.

„2014 წელს, მოგეხსენებათ, გაფორმდა ასოცირების ხელშეკრულება ევროკავშირთან, 2017 წელს ევროკავშირთან მივიღეთ უვიზო მიმოსვლის რეჟიმი, ჩვენი აზრით, ამ არაფორმალურმა დიალოგმა გარკვეულწილად ხელი შეუწყო ამ მიღწევებს,“- განაცხადა ზურაბ აბაშიძემ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
"სილქფესტის" ინტერნეტ და სასაუბრო პაკეტები ულიმიტო პირობით ბრუნდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი