„საახალწლო სოფელი“ „დედაენის ბაღში“ 24 დეკემბერს გაიხსნება

„საახალწლო სოფელი“ თბილისში, „დედაენის ბაღში“ 24 დეკემბერს გაიხსნება. შესაბამისი განცხადება დედაქალაქის მთავრობის სხდომაზე თბილისის მერმა კახა კალაძემ გააკეთა. მისი თქმით, „საახალწლო სოფელი“ ორბელიანის მოედანსა და „დედაენის ბაღში“ 14 იანვრამდე იქნება განთავსებული.

„ერთად უნდა შევეგებოთ თოვლის ბაბუას და სანტა კლაუსს. მას შემდეგ, რაც 24 დეკემბერს საზეიმოდ გაიხსნება „საახალწლო სოფელი“, რომელიც ორბელიანის მოედანსა და „დედაენის ბაღში“ 14 იანვრის ჩათვლით იქნება განთავსებული, 3 კვირის განმავლობაში ყველა ასაკობრივი კატეგორიის ადამიანისთვის სხვადასხვა სახის ღონისძიება გაიმართება. „საახალწლო სოფელში“ განთავსდება მრავალფეროვანი საახალწლო დეკორაციები, ინსტალაციები, სინთეტიკური ყინულის მოედანი, ღია კინოთეატრი, გიგანტური ზღაპრის წიგნი, მეზღაპრე, საახალწლო ბაზრობა, კვების ობიექტები, საბავშვო ატრაქციონები, დეკორირებული ნაძვის ხე და თოვლის ბაბუის სახლი. დღის საათებში, საახალწლო სოფელში პატარებისთვის მოეწყობა გიგანტური სანტას მსვლელობა და საბავშვო გასართობი შოუ კონცერტები, საღამოს კი უფროსებისთვის საესტრადო შემსრულებლების, მუსიკალური ბენდებისა და ელექტრონული მუსიკის წარმომადგენელები გამართავენ სხვადასხვა ღონისძიებას. „საახალწლო სოფელი“ 14 იანვარს დიდი მუსიკალური შოუ პროგრამით დაიხურება“,- განაცხადა კახა კალაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში