შალვა ოგბაიძე - გადავდივართ საზოგადოებრივი ტრანსპორტით მგზავრობის თვისობრივად ახალ სისტემაზე

თბილისის საკრებულოს სატრანსპორტო საკითხთა კომისიის თავმჯდომარე შალვა ოგბაიძე საზოგადოებრივი ტრანსპორტის საბარათე ულიმიტო სისტემაზე გადასვლის ინიციატივას გამოეხმაურა და ოპოზიციის ბრალდებებს უპასუხა.

მან თბილისის მერის კახა კალაძის მიერ დაანონსებულ ახალ ინიციატივას მოსახლეობის პირდაპირი დაკვეთა უწოდა და განაცხადა, რომ მთლიანად სატრანსპორტო რეფორმა, რომელიც აქტიურად მიმდინარეობს, მოსახლეობისთვის უფრო მეტი კომფორტის შექმნაზეა ორიენტირებული.

როგორც შალვა ოგბაიძემ განაცხადა, პირველი თებერვლიდან ტრანსპორტის ყველა სახეობა ინტეგრირებული იქნება და ერთი აბონიმენტით, მოსახლეობას ყველა სახის ტრანსპორტით შეეძლება მგზავრობა.

„მნიშვნელოვანია ის, რომ გადავდივართ საზოგადოებრივი ტრანსპორტით მგზავრობის თვისობრივად ახალ სისტემაზე, რითაც წახალისებულნი იქნებიან ჩვენი თანამოქალაქეები, რომლებიც საზოგადოებრივი ტრანსპორტით ხშირად მგზავრობენ. პრინციპი იქნება შემდეგი - მეტს მგზავრობ, მეტი თვის აბონიმენტს იღებ და ნაკლებს იხდი. საზოგადოებრივი ტრანსპორტით მგზავრობის ხარისხის გაუმჯობესება ჩვენი თანამოქალაქეების დაკვეთაა. ამასთან, ძალაში რჩება შეღავათები, რომლებიც აქამდეც არსებობდა და მოსახლეობის 30-მდე კატეგორია შეღავათიანი ტარიფით, ან სრულიად უფასოდ იმგზავრებს“- განაცხადა შალვა ოგბაიძემ.

ინფორმაციას თბილისის საკრებულო ავრცელებს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!