სოფელ ჩუმლაყში მომხდარი განზრახ მკვლელობისთვის ბრალდებულს 17 წლით თავისუფლების აღკვეთა მიესაჯა

თელავის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და განზრახ მკვლელობისთვის, განზრახ მკვლელობის მცდელობისთვის დამამძიმებელ გარემოებაში და ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა ტარებისთვის ბრალდებული დამნაშავედ ცნო.

ამის შესახებ „ინტერპრესნიუსს“ გენერალური პროკურატურიდან აცნობეს.

საგამოძიებო უწყების ინფორმაციით, პროკურატურის მიერ სასამართლო პროცესზე გამოკვლეული მტკიცებულებებით დადგინდა, რომ ჯ.ტ.-ს კონფლიქტი ჰქონდა მ.ბ.-სთან, რის გამოც შურისძიების მოტივით მისი მკვლელობა განიზრახა.

მსჯავრდებული 25 მარტს, დილის საათებში, გურჯაანის რაიონის სოფელ ჩუმლაყთან, საავტომობილო გზაზე ჩაუსაფრდა დაზარალებულს და მისი ავტომანქანის მიმართულებით მართლსაწინააღმდეგო მფლობელობაში არსებული ავტომატური ცეცხლსასროლი იარაღებიდან მრავალჯერადად გაისროლა. სროლის შედეგად, ჯანმრთელობის დაზიანებები მიიღეს დაზარალებულმა და ავტომანქანაში მყოფმა ორმა პირმა, ხოლო ერთი პირი მიყენებული მძიმე ცეცხლნასროლი ჭრილობის შედეგად გარდაიცვალა.

სამართალდამცველებმა ბრალდებული 2021 წლის 26 მარტს დააკავეს. მას ბრალდება საქართველოს სისხლის სამართლის კოდექსის 108-მუხლით (განზრახ მკვლელობა), 19, 109-ე მუხლის მე-3 ნაწილის ,,ა’’ ქვეპუნქტით (განზრახ მკვლელობის მცდელობა დამამძიმებელ გარემოებაში ჩადენილი ორი ან მეტი პირის მიმართ) და 236-ე მუხლის მე-3, მე-4 ნაწილით (ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა ტარება, ) წარედგინა.

თელავის რაიონულმა სასამართლომ 2021 წლის 22 დეკემბერს, ჯ.ტ. სრულად დამნაშავედ ცნო წარდგენილ ბრალდებაში და სასჯელის სახედ და ზომად 17 წლით თავისუფლების აღკვეთა განუსაზღვრა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა