დავით უსუფაშვილი - ერთ ხელში გვიჭირავს ჩაქუჩი, მეორე ხელში „ზუბილა" და ვანგრევთ საკუთარ სახელმწიფოს

ერთ ხელში გვიჭირავს ჩაქუჩი, მეორე ხელში „ზუბილა" და ვანგრევთ საკუთარ სახელმწიფოს, - ასე აფასებს პარტია „ლელოს“ ერთ-ერთი ლიდერი დავით უსუფაშვილი „პალიტრანიუსის“ გადაცემა „დღის ნიუსრუმში“ 2021 წლის პოლიტიკურ შედეგებს.

მისი თქმით, 2021 წელს საქართველომ უდიდესი დარტყმა მიიღო, რადგან ჯერ ისეთი კრიზისის წინაშე დადგა, რომ შარლ მიშელის შეთანხმება გახდა საჭირო, ხოლო შემდეგ ეს შეთანხმება დაირღვა.

„ჩვენ ჯამში, მტყუანებსაც და მართლებსაც (ხომ ასე ვყოფთ ბანაკებს - მტერი, გმირი და ა.შ.) ერთ ხელში გვიჭირავს ჩაქუჩი, მეორე ხელში გვიჭირავს „ზუბილა" და ვანგრევთ საკუთარ სახელმწიფოს. 30 წლის წინ, ეროვნული იდეის ქართული პროექტის ერთ-ერთი უმნიშვნელოვანესი ოცნება ახდა, თითქმის გამოტირებული გვქონდა სახელმწიფოებრიობა 200 წლის განმავლობაში, მაშინ, როცა სხვა ერებმა მოიწყვეს ინსტიტუციური გარემო, ჩვენ მოგვეცა შესაძლებლობა და მას შემდეგ დაკავებული ვართ უკეთეს შემთხვევაში სიზიფეს შრომით ანუ ვაკეთებთ რაღაცას, მაგრამ არასწორად ვაკეთებთ, იმდენად არასწორად ვაშენებთ, კონსტიტუციას არასწორად ვიღებთ, არჩევნებს არასწორად ვატარებთ, სასამართლოს არასწორად ვქმნით, პოლიტიკურ პაექრობას და ოპონირებას არასწორად ვაკეთებთ, კანონს ვიღებთ და მერე მას არ ვასრულებთ.

2021 წელს უდიდესი დარტყმა მივიღეთ ჯერ იმ დონის კრიზისის მომწიფებით, რომ შარლ მიშელის შეთანხმება დაჭირდა, მერე ამ მიღწეული შეთანხმების დახევით და გადაგდებით. ეს არ არის ერთი მორიგი შეუსრულებელი შეთანხმება, ეს არის ქვეყნის თავის მოჭრა საერთაშორისო ასპარეზზე. ამ ყველაფრის გამო დემოკრატიულ სამყაროს ჯერ ხელი არ აქვს ჩაქნეული საქართველოზე, მაგრამ ჩასაქნევად ხელი უკვე აწეული აქვს და სადაცაა ჩაიქნევს, თუ არ ვტაცეთ ხელი და არ შევაჩერეთ და ვუთხარით, რომ „მოიცადეთ, ჩვენ მეტი შეგვიძლია. ჩვენ შეგვიძლია ვიყოთ ცივილიზებული, დემოკრატიული, თავისუფალი სამყაროს წევრი ერი და არა ტვირთად ქცეული ხალხი“, - განაცხადა დავით უსუფაშვილმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში