აკაკი მინაშვილი - ვმუშაობთ გეგმაზე, რომელიც სწრაფად მიგვიყვანს იქამდე, რომ ქვეყანაში იქნება გარღვევა და დაინიშნება ვადამდელი არჩევნები - პოლიტიკური საბჭო დღეს ამ გეგმებთან დაკავშირებით იმართება

ვისმენთ ყველა მოსაზრებას, ვმუშაობთ ისეთ გეგმაზე, რომელიც სწრაფად მიგვიყვანს იქამდე, რომ ქვეყანაში იქნება გარღვევა და დაინიშნება ვადამდელი არჩევნები. ამიტომ, პოლიტიკური საბჭო დღეს, სწორედ ამ გეგმებთან დაკავშირებით იმართება, - ამის შესახებ „ნაციონალური მოძრაობის” ერთ-ერთმა ლიდერმა აკაკი მინაშვილმა ჟურნალისტებს პარტიის ოფისში განუცხადა.

როგორც მან აღნიშნა, საზოგადოება ძალიან მალე გაიგებს იმ კონკრეტულ გადაწყვეტილებებს, რომელსაც „ნაციონალური მოძრაობა” დღეს, პოლიტიკური საბჭოს სხდომაზე მიიღებს.

„პირველ რიგში, ჩვენი ქვეყნის და მოქალაქეების წინაშე რამდენიმე, ძალიან მნიშვნელოვანი პრიორიტეტია, ძალიან მწვავე საკითხია გადასაწყვეტი - ქვეყანა გამოსაყვანია რთული ვითარებიდან. ვხედავთ, რომ წინსვლის და განვითარების პერსპექტივა არ ჩანს ამ ვითარებისა და ამ ხელისუფლების პირობებში. ქვეყანაში არის ფართომასშტაბიანი პოლიტიკური დევნა და საქართველოს მესამე პრეზიდენტი პატიმრობაშია. ამიტომ, ჩვენ, ოპოზიციურმა პოლიტიკურმა პარტიებმა, პირველ რიგში, უნდა მოვახდინოთ მეტი ორგანიზება, მეტი თანმიმდევრული ნაბიჯები, იმისათვის, რომ ცვლილებები მოვახდინოთ, რათა ქვეყანას გაუჩნდეს წინსვლის და განვითარების შანსი. პირველ რიგში, ამისათვის საჭიროა დასრულდეს პოლიტიკური დევნა, უნდა იყოს სამართლიანი სასამართლო, დამოუკიდებელი პროკურატურა, სუს-ი უნდა გაუქმდეს იმ ფორმით, რა ფორმითაც არის და ჩატარდეს არჩევნები. ამისათვის მნიშვნელოვანია პარტიული აქტივობა, ჩვენი მოქალაქეების მობილიზაცია.ამ დღეების განმავლობაში “ნაციონალური მოძრაობა” ვაანალიზებთ ყველა იმ გამოცდილებას, რაც გვქონდა შარშან, მათ შორის, იმ ხარვეზებს რაც შეიძლება ყოფილიყო", - აცხადებს მინაშვილი.

ამასთან, როგორც მან განმარტა, პარტიაში ცვლილებები არ იგეგმება.

„ასევე, მინდა, საზოგადოების იმ წევრებსა და მედიასაშუალებებს, რომლებიც გუშინ ავრცელებდნენ, რომ თითქოს, ვინმე მიდის „ნაციონალური მოძრაობიდან“ - არა, არავინ მიდის „ნაციონალური მოძრაობიდან”, არავინ ტოვებს რაიმე სახის თანამდებობას. პირიქით, ძალიან მკაფიოა ჩვენი პოზიცია, ვერთიანდებით მეტი შემართებით, მეტი ორგანიზებულობით", - აცხადებს აკაკი მინაშვილი.

მისი თქმით, დღევანდელ ვითარებაში ყველაზე ეფექტურ პოლიტიკურ იარაღად რჩება მანიფესტაციები, აქციები და პროტესტის ფორმები, რომელიც მისივე თქმით, იქნება სხვადასხვაგვარი და მრავალფეროვანი.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!