პრემიერი - ავიცრათ, ავცრათ ჩვენი მეგობრები, მშობლები, ოჯახის წევრები, ვატაროთ პირბადე და დავიცვათ დისტანცია - უკვე დავუკვეთეთ სამკურნალო მედიკამენტებიც, რომელიც „ფაიზერმა“ შეიმუშავა, ვმუშაობთ „მერკის“ მედიკამენტზეც

საქართველოს პრემიერ-მინისტრის განცხადებით, „ომიკრონის“ შტამის სუსტად მიმდინარეობის მიუხედავად, მოდუნება არ შეიძლება.

როგორც პრემიერ-მინისტრმა მთავრობის სხდომაზე განაცხადა, ქვეყანაში ინფიცირების მაჩვენებლის ზრდა „ომიკრონის“ და მოსახლეობის მაღალი მობილობით არის გამოწვეული.

ამასთან, მთავრობის სხდომაზე ირაკლი ღარიბაშვილმა მოსახლეობას ვაქცინაციისა და რეგულაციების დაცვისკენ კიდევ ერთხელ მოუწოდა.

„ბოლო პერიოდში ყურადღებით ვაკვირდებით ეპიდსიტუაციას. დაწყებულია დაინფიცირების მორიგი ტალღის აღმასვლა, რაც კორონავირუსისახალი შტამის „ომიკრონის“ და დღესასწაულების დღეებში შეკრებების და ზამთრის საკურორტო ზონებში გაზრდილი მობილობით არის გამოწვეული. მინდა კიდევ ერთხელ მოვუწოდო მოსახლეობას აცრის, დისტანციის დაცვის და პირბადის ტარებისაკენ. ავიცრათ, ავცრათ ჩვენი მეგობრები, მშობლები, ოჯახის წევრები, ვატაროთ პირბადე და დავიცვათ დისტანცია. ეს უნდა იყოს ჩვენი მთავარი ამოცანა. ვაქცინები გვაქვს ადგილზე, ამას გარდა უკვე დავუკვეთეთ კორონავირუსის სამკურნალო მედიკამენტებიც, რომელიც „ფაიზერმა“ შეიმუშავა და ასევე „მერკის“ მედიკამენტებზეც ვმუშაობთ. ხვალ გვექნება კოვიდსაბჭო და დამატებით გვექნება მსჯელობა ამის თაობაზე. კიდევ ერთხელ მინდა გავიმეორო, რომ პირბადის ტარება არის აუცილებელი, რადგან პირბადე და ხალხმრავალი შეკრებებისგან თავის არიდება პრევენციისა და ვირუსისგან დაცვის რეალური საშუალებაა.

არ უნდა დაგვავიწყდეს, რომ კარგი მობილიზება გვჭირდება და ის რაც ახლა ევროპაში ხდება, არის ჩვენთვის კარგი გაკვეთილი. საფრანგეთში, მაგალითად ინფიცირების დღიურმა მაჩვენებელმა 200 000-ს გადააჭარბა, ამერიკაში ერთ დღეში 1 000 000 შემთხვევა დაფიქსირდა. ამიტომ, კარგად უნდა ვიყოთ მობილიზებულები, არ უნდა მოვდუნდეთ, იმის გამო, რომ „ომიკრონი” შედარებით სუსტი შტამია და მარტივად გადააქვთ მოქალაქეებს. მოსახლეობას რეგულაციების დაცვისა და ვაქცინაციისკენ უნდა მოვუწოდოთ. ვაქცინაცია არის ვირუსისგან დაცვის საუკეთესო საშუალება“, - განაცხადა პრემიერმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს