ეს იყო შეხვედრა ჰუმანიტარული მიზნით სამ დაკარგულ ადამიანთან დაკავშირებით, - ამის შესახებ „საქართველოს ახალგაზრდა იურისტთა ასოციაციის“ თავმჯდომარე ნიკა სიმონიშვილმა გამყოფ ხაზთან მდებარე ერგნეთში დახურულ ფორმატში გამართული შეხვედრის დასრულების შემდეგ განაცხადა.

ნიკა სიმონიშვილის ინფორმაციით, შეხვედრის ყველა სხვა დეტალი კონფიდენციალურია.

„შეხვედრის შინაარსზე ვერ ვისაუბრებ. რა თქმა უნდა, ეს იყო შეხვედრა ჰუმანიტარული მიზნით სამ დაკარგულ ადამიანთან დაკავშირებით. მეტი არაფრის თქმა არ შემიძლია, შეხვედრა იყო კონფიდენციალური და ჰქონდა ერთადერთი - ჰუმანიტარული მიზანი და შესაბამისად, ამ საკითხზე იყო საუბარი. გარდა იმისა, რაც გითხარით, შეხვედრის ყველა სხვა დეტალი კონფიდენციალურია“, - განაცხადა ნიკა სიმონიშვილმა.