ავსტრალიის მთავრობამ განაცხადა, რომ 21 თებერვლიდან, მსოფლიოს ნებისმიერი ქვეყნიდან ჩასული ვაქცინირებული მგზავრებისთვის საზღვრებს ხსნის.

„თუ ორჯერ ვაქცინირებული ხართ, მოუთმენლად ველით თქვენს დაბრუნებას ავსტრალიაში“, - განაცხადა ქვეყნის პრემიერ-მინისტრმა სკოტ მორისონმა კანბერაში გამართულ ბრიფინგზე.

ავსტრალიამ სასაზღვრო კონტროლის შესამსუბუქებლად ბოლო თვეებში გარკვეული ნაბიჯები გადადგა, თუმცა საზღვრების ხელახლა გახსნა ისე, რომ ვაქცინირებული ადამიანები მსოფლიოს ნებისმიერი ადგილიდან შეძლებენ ქვეყანაში შესვლას, პირველად ხდება 2020 წლის მარტის შემდეგ.

Reuters-ი წერს, რომ ტურისტული ინდუსტრია ამ გადაწყვეტილებას მიესალმა. ავსტრალიის ტურიზმის კვლევის სამთავრობო ორგანოს ცნობით, საერთაშორისო და შიდა ტურიზმის ზარალმა პანდემიის დაწყებიდან 101.7 მილიარდი ავსტრიული დოლარი (72 მილიარდი აშშ დოლარი) შეადგინა.