ირაკლი კობახიძე - პრეზიდენტი არ გეგმავს არავითარი პოლიტიკური შეთანხმების მომზადებას - საუბარია შეფასების მომზადებაზე, რომელიც  დაუკავშირდება გასულ 30 წელს

ჩვენ გვქონდა პრეზიდენტთან შეხვედრა და ის არ გეგმავს არავითარი პოლიტიკური შეთანხმების მომზადებას, ამაზე არ არის საუბარი. საუბარი იყო შეფასების მომზადებაზე, რომელიც შეიძლება დაუკავშირდეს გასულ 30 წელს, - ამის შესახებ „ქართული ოცნების“ თავმჯდომარე ირაკლი კობახიძემ „პალიტრანიუსის“ გადაცემაში „თავისუფალი სტუდია“ განაცხადა.

ირაკლი კობახიძის განცხადებით, თუ ეს პროცესი ჯანსაღად წარიმართება, მაშინ „ქართული ოცნება“ მზადაა თავისი წვლილი შეიტანოს.

„რაც შეეხება პრეზიდენტს, ჩვენ გვქონდა მასთან შეხვედრა და ის არ გეგმავს არავითარი პოლიტიკური შეთანხმების მომზადებას, ამაზე არ არის საუბარი. საუბარი იყო შეფასების მომზადებაზე, რომელიც შეიძლება დაუკავშირდეს გასულ 30 წელს. პირველ რიგში 90-იან წლებს, მერე „ნაცმოძრაობის“ მმართველობას. ჩვენ მზად ვართ, რომ შევაფასოთ ჩვენი მმართველობის პერიოდიც. ასეთი დოკუმენტი თუ შედგება, ამასაც თავისი რისკები აქვს ბუნებრივია, მაგრამ ჩვენ მზად ვართ. საუბარია უახლოესი ისტორიის შეფასებაზე. თუ შეიძლება, ეს პროცესი ჯანსაღად წარიმართოს, რა თქმა უნდა, ჩვენ მზად ვართ, რომ პრეზიდენტთან ერთად ჩვენი წვლილი შევიტანოთ.

ჩვენ თუ შევაფასებთ იმას, რომ სააკაშვილის მმართველობა იყოს თავისი არსით ავტოკრატიული და არაადამიანური, ამას ხომ უნდა ჰქონდეს თავისი პოლიტიკური შედეგები? მე მგონია, რომ ეს ასე უნდა იყოს. თუ შეფასდება რეჟიმი, როგორც არაადამიანური და ავტოკრატიული, ამას უნდა ჰქონდეს თავისი პოლიტიკური შედეგები. ჩვენი ხელისუფლების პერიოდიც შევაფასოთ. თუ ვინმე დაადგენს, რომ ჩვენი ხელისუფლება არის ან ავტოკრატიული ან არაადამიანური, ესეც შევაფასოთ. შევაფასოთ როგორი იყო წინა მმართველობა და როგორია დღევანდელი მმართველობა, ვინ აწამებდა, ვინ არ აწამებს, ვინ კლავდა, ვინ არ კლავს და ა.შ. შევაფასოთ ეს ყველაფერი და ამის მიხედვით გავაგრძელოთ შემდეგ პოლიტიკური ცხოვრება. ეს არის ჩვენს ინტერესებში. თუ ამაზეა საუბარი, რა თქმა უნდა, ჩვენ მზად ვართ, რომ ჩვენი წვლილი შევიტანოთ ამ ყველაფერში“, - განაცხადა ირაკლი კობახიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე