"ქართული ოცნების" ოფისში უმრავლესობის სხდომა მიმდინარეობს
"ქართული ოცნების" ცენტრალურ ოფისში უმრავლესობის სხდომა მიმდინარეობს.
სხდომის დაწყებამდე "ქართული ოცნების" წევრებს მედიასთან კომენტარი არ გაუკეთებიათ.
სავარაუდოდ, უმრავლესობის წევრები ხვალინდელი სესიის სხდომაზე განსახილველ საკითხებზე იმსჯელებენ.
ცნობისთვის, მიმდინარე სასესიო კვირაში დეპუტატები 40-ზე მეტ საკითხს განიხილავენ.
პარლამენტი, მიმდინარე კვირაში, პლენარულ სხდომაზე პერსონალურ მონაცემთა დაცვის სამსახურისა და სპეციალური საგამოძიებო სამსახურის ხელმძღვანელებს აირჩევს.
ამასთან, პლენარულ სხდომაზე საქართველოს პარლამენტის წევრების - კახაბერ კუჭავას, ბადრი ჯაფარიძის, შალვა ნათელაშვილის და ელენე ხოშტარიას პარლამენტის წევრის უფლებამოსილების ვადამდე შეწყვეტის საკითხი განიხილება.
