დიდუბის გამგებლის ლადო ძნელაძის განცხადებით, დიღმის მასივში, მეოთხე კვარტალში, მეხუთე ა კორპუსში მომხდარი აფეთქების შედეგად დაზარალებულებს დაეხმარებიან.

როგორც გამგებელმა „ინტერპრესნიუსს" განუცხადა, წინასწარი ინფორმაციით, აფეთქება ბუნებრივმა აირმა გამოიწვია.

„წინასწარი ინფორმაციით, მეშვიდე სართულზე აფეთქება გაზმა გამოიწვია. ერთი ადამიანი მსუბუქად დაშავდა, მისი მდგომარეობა მძიმე არ არის. ჩვენი კომპეტენციის ფარგლებში ოჯახებს დავეხმარებით. ზარალი რა თქმა უნდა არის, რასაც დავითვლით, შესაბამისი ექსპერტიზა ჩატარდება და ზარალის ზუსტ რაოდენობას აღვწერთ. ვინც ქირით არის გადასაყვანი, გავიყვანთ",-განაცხადა ძნელაძემ.