გულწრფელად არ მჯერა, რომ საპარლამენტო უმრავლესობა ბადრი ჯაფარიძეს თაღლითად მიიჩნევს - თუ ეს ასეა, როგორ დაუშვით, რომ ასეთ მსხვილ ბანკს თაღლითები მართავდნენ, როგორ გამოვიდა ეს?! - აღნიშნული განცხადება პარლამენტის პლენარულ სხდომაზე „გირჩის“ დეპუტატმა ალექსანდრე რაქვიაშვილმა გააკეთა.

„გამოდის, რომ ქვეყნის ერთ-ერთ ყველაზე მსხვილ ბანკს წლების განმავლობაში თაღლითები მართავდნენ და ეროვნული ბანკი საქმის კურსში იყო. თუ ასე ფიქრობთ, საგამოძიებო კომისიის შექმნა უნდა დაიწყოთ და ეროვნული ბანკის მმართველისა და მისი წინამორბედის საქმიანობა შეისწავლოთ“, - მიმართა “ქართული ოცნების“ დეპუტატებს სანდრო რაქვიაშვილმა.

„ლელოს“ ლიდერის ბადრი ჯაფარიძისთვის მანდატის შეწყვეტის ფორმალურ-სამართლებრივ საფუძველს მის წინააღმდეგ თბილისის საქალაქო სასამართლოს მიერ გამოტანილი გამამტყუნებელი განაჩენი ქმნის.