ანა ბუჩუკური  - ირაკლი კობახიძეს პასუხი არა აქვს, რატომ არის ქვეყანა ცუდ დღეში - ის რეალური პრობლემების სამარცხვინო ტყუილებითა და პროპაგანდისტული ბრალდებებით გადაფარვას ცდილობს

„ქართული ოცნების“ თავმჯდომარეს ირაკლი კობახიძეს პასუხი არა აქვს, თუ რატომ არის ქვეყანა ასეთ ცუდ დღეში - ის ქვეყნის წინაშე არსებული რეალური პრობლემების სამარცხვინო ტყუილებითა და პროპაგანდისტული ბრალდებებით გადაფარვას ცდილობს, - ასე ეხმაურება პარტია “საქართველოსთვის“ ლიდერის გიორგი გახარიას წინააღმდეგ გაჟღერებულ ბრალდებებს პარტიის წევრი, დეპუტატი ანა ბუჩუკური.

ამასთან, კითხვაზე მმართველი გუნდის მხრიდან გახარიას წინააღმდეგ ახალი კამპანიის დაწყება რამდენად შეიძლება რუსთავის შუალედურ არჩევნებს უკავშირდებოდეს, ბუჩუკურმა დაადასტურა, რომ მათი პარტია რუსთავში ბადრი ჯაფარიძის კანდიდატურას მხარს არ უჭერს, თუმცა არც საკუთარი კანდიდატურის წარდგენას აპირებს და საერთო ეროვნული არჩევნებისთვის ემზადება.

“დღეს ერთი წელი შესრულდა, რაც გიორგი გახარიამ პრემიერ-მინისტრის თანამდებობა დატოვა. ბოლო ერთი წლის განმავლობაში პერსონალურად ირაკლი კობახიძისგან და “ქართული ოცნებისგან“ რაღაც აბსურდული ბრალდებები გვესმის - დაწყებული იმით, რომ ჩვენი გუნდის ლიდერი სახელმწიფო გადატრიალებას აწყობდა და ძალოვანი უწყების მოქმედ თანამშრომლებთან ერთად სახელმწიფოს წინააღმდეგ შეთქმულებაში მონაწილეობდა, გაგრძელებული „კოკაინშიკობითა“ და იმით, რომ, თითქოს, აშშ-ში მიხეილ სააკაშვილს შეხვდა. გადატრიალების თაობაზე გაჟღერებულ ბრალდებასთან დაკავშირებით პროკურატურას მივმართეთ, რათა ეს ძალიან მძიმე სისხლის სამართლებრივ პასუხისმგებლობას დაქვემდებარებული ქმედება გამოეძიებინათ. დღემდე საქმე არც დაწყებულა.

„კოკაინშიკობის“ ბრალდებასთან დაკავშირებით ირაკლი კობახიძემ თბილისში ჩვენს დეპუტატობის ქალ კანდიდატებს დასდო ბრალი, რომ, თითქოს, გახარიას კოკაინი მათ მიასაღეს. ჩვენ შესაბამისი დასაბუთებული განცხადება გენერალურ პროკურატურაში შევიტანეთ. მოგეხსენებათ, ნარკოტიკის გასაღება სისხლის სამართლის დანაშაულია და გამოძიება მოვითხოვეთ. თუ ფაქტი არ დადასტურდებოდა, პასუხისგებაში ირაკლი კობახიძე უნდა მოქცეულიყო ცრუ დასმენისათვის. რა თქმა უნდა, არც ამას მოჰყოლია რეაგირება.

“ქართული ოცნების“ ბრალდებები მხოლოდ ერთ მიზანს ემსახურება - “ქართული ოცნება“ ცდილობს გადაფაროს, თუ რატომ არის ასეთი სუსტი მათი პოლიტიკა, რატომ დაიხია სახელმწიფომ დემოკრატიის განვითარების თვალსაზრისით და რატომ წავიდა საქმე უკან ევროპული გზაზე“, - განუცხადა ჟურნალისტებს ანა ბუჩუკურმა.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს