არჩილ თალაკვაძე რუსეთის მიმართ სანქციებზე - მიუღებელია უკრაინის წინააღმდეგ აგრესია - საქართველო მხარს უჭერს საერთაშორისო საზოგადოების და პარტნიორების ნაბიჯებს

საქართველო მხარს უჭერს საერთაშორისო საზოგადოების და პარტნიორების ნაბიჯებს, რომელიც უკრაინის სუვერენიტეტის ხელყოფასთან დაკავშირებით იქნება გადადგმული, - ამის შესახებ ვიცე- სპიკერმა არჩილ თალაკვაძემ ჟურნალისტებთან განაცხადა, რითაც უპასუხა კითხვას, დაუჭერს თუ არა საქართველო მხარს რუსეთის წინააღმდეგ დაწესებულ სანქციებს და რამდენად შეიძლება შეუერთდეს მას.

მისივე თქმით, საქართველოს უკრაინის საკითხზე მჭიდრო კოორდინაცია აქვს პარტნიორებთან და მათგან ქმედით ნაბიჯებს ელის.

„საქართველო მტკიცედ უჭერს მხარს უკრაინის ტერიტორიულ მთლიანობას და სუვერენიტეტს. მიუღებელია უკრაინის წინააღმდეგ ნებისმიერი აგრესია და მისი სუვერენიტეტის ხელყოფა. ჩვენ ვართ უკრაინელი ხალხის გვერდით და ყველას გვესმის და ვხედავთ, რომ ის, რაც ხდება უკრაინაში - დონეცკის და ლუგანსკის რეგიონების ოკუპაცია ზუსტად იმეორებს რუსეთის მხრიდან საქართველოს რეგიონების ოკუპაციას, რომელიც მოხდა, ეს არ არის გაყინული კონფლიქტები, ოკუპაცია გრძელდება და ყოველდღიურად ძალიან ბევრი ადამიანის უფლების დარღვევას იწვევს.

ჩვენ გვაქვს მჭიდრო კოორდინაცია პარტნიორებთან, როგორც აშშ-სთან, ასევე ევროკავშირთან და ველით საერთაშორისო საზოგადოების მხრიდან ქმედით ნაბიჯებს იმ უკანონო ქმედებებთან დაკავშირებით, რომელიც არღვევს საერთაშორისო სამართალს და უკრაინის სუვერენიტეტს. სანქციებს შეიმუშავებს აშშ და ევროკავშირი და რა თქმა უნდა, როცა გითხარით, რომ ველით საერთაშორისო საზოგადოების ქმედით ნაბიჯებს, ზუსტად ამას ვგულისხმობდით, რომ სანქციებზე მუშაობა მიმდინარეობს. საქართველო მხარს უჭერს საერთაშორისო საზოგადოების და პარტნიორების ნაბიჯებს, რომელიც უკრაინის სუვერენიტეტის ხელყოფასთან დაკავშირებით იქნება გადადგმული,"- განაცხადა თალაკვაძემ.

დამაზუსტებელ კითხვაზე, რამდენად შეიძლება შეუერთდეს სანქციებს საქართველოც, თალაკვაძე პასუხობს, რომ „არ არის სწორად დასმული შეკითხვა" და ამ საკითხზე ამომწურავად ისაუბრა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“