რუსეთის "ლიბერალ-დემოკრატიული პარტიის" ლიდერის, ვლადიმერ ჟირინოვსკის გარდაცვალების შესახებ ინფორმაცია ისევ არ დადასტურდა.

რუსული მედიის მიერ გავრცელებული ინფორმაცია უარყო როგორც დუმის სპიკერმა, ისე ჯანდაცვის სამინისტრომ.

რუსეთის სახელმწიფო დუმის სპიკერის, ვიაჩესლავ ვოლოდინის თქმით, ჟირინოვსკი ცოცხალია, მაგრამ მისი მდგომარეობა მძიმეა.

"მინდა დავამშვიდო ყველა, ვისაც აწუხებს ვლადიმერ ჟირინოვსკის ჯანმრთელობისდ მდგომარეობა. ის ცოცხალია. მისი მდგომარეობა მართლაც მძიმეა", - წერს ვოლოდინი.

ვოლოდინის თქმით, დღეს ჟირინოვსკიმ გაიარა კომპიუტერული ტომოგრაფია, ექიმები აგრძელებენ ბრძოლას მის გადასარჩენად.

შეგახსენებთ, რომ ჟირინოვსკის გარდაცვალების შესახებ ინფორმაცია თავად რუსულმა მედიამ გაავრცელა. მსგავსი შინაარსის ინფორმაცია მედიაში მანამდეც დაიწერა.