სააკაშვილის ადვოკატის საქმეზე ბრალდებული პენიტენციური სამსახურის ყოფილი ინსპექტორი - 50 წლის ვარ, შეიარაღებული ძალების ოფიცერი ვარ, არასდროს ვყოფილვარ ბრალდებული, თუ არის შესაძლებელი, არ დამაპატიმროთ

50 წლის ვარ, შეიარაღებული ძალების ოფიცერი ვარ, არასდროს ვყოფილვარ ბრალდებული, ამ ქვეყნის სამსახურში ვიყავი 18 წლიდან, - ამის შესახებ მიხეილ სააკაშვილის ადვოკატის, შოთა თუთბერიძის საქმეზე ბრალდებულმა, სპეციალური პენიტენციური სამსახურის ყოფილმა ინსპექტორმა, გიორგი გიუაშვილმა სასამართლო პროცესზე განაცხადა.

ის პროკურატურის შუამდგომლობას მის მიმართ აღკვეთის ღონისძიების სახით პატიმრობის გამოყენებასთან დაკავშირებით არ დაეთანხმა.

„პროკურორების არგუმენტი იმის თაობაზე, რომ მივიმალები, სიმართლეს არ წარმოადგენს, ინციდენტი თვენახევრის წინ მოხდა და მიმალვა არ მქონია მიზნად, გუშინ დამიბარა პროკურატურამ, აქამდე მივიმალებოდი, მიმალვა ჩემ ინტერესებში არ შედის, პირიქით, ჩემ ინტერესშია სიმართლის დადგენა.

რაც შეეხება მოწმეებზე ზემოქმედებას, ჩამოთვლილი მოწმეებიდან მხოლოდ ერთი გახლავთ ჩემი თანამშრომელი, დანარჩენი მხოლოდ გამარჯობით ვიცი, აქედან გამომდინარე, ვერანაირად ვერ მექნება მათზე ზემოქმედება, ვინაიდან დღემდე არ მქონია.

მტკიცებულებების განადგურებას რაც შეეხება, ჩემ ინტერესებში არ შედის, ფიზიკურ შეხებას ადგილი არ ჰქონია, ამას ამბობს ყველა და ეს ჩანს კადრებში, მტკიცებულებების განადგურება კი არა, ნეტა მეტის მოპოვება შეიძლებოდეს.

50 წლის გახლავარ, შეიარაღებული ძალების ოფიცერი ვარ, არასდროს ყოფილა გიორგი გიუაშვილი ბრალდებული, ამ ქვეყნის სამსახურში ვიყავი 18 წლიდან, ჩემი პიროვნებიდან გამომდინარე, რომ პატიმრობაში უნდა ვიყო, ვერ მივიღებ. მოწმეთა ჩვენებებიც ადასტურებს, რომ ფიზიკურ შეხებას არ ჰქონია ადგილი. ახალ დანაშაულს რატომ ჩავიდენ, პირიქით, ყველანაირად ვცდილობ, ეს უფრო ბევრი ადამიანისთვის გახდეს ცნობილი, როგორც სასამართლოთი, ასევე მედიით. ბოდიში, მე იურისტი არ გახლავართ", - განაცხადა გიუაშვილმა.

მან მოსამართლეს სთხოვა, არ დაეკავებინათ და გირაოს მინიმალური ოდენობა გამოეყენებინა.

„თუ არის შესაძლებელი, არ დამაპატიმროთ, თუ შეუძლებელია, მინიმალური გირაო გამოიყენეთ",- განაცხადა გიუაშვილმა.

ცნობისთვის, გიორგი გიუაშვილს ბრალდება საქართველოს სისხლის სამართლის კოდექსის 333-ე მუხლის პირველი ნაწილით წარედგინა, რაც სამსახურეობრივი უფლებამოსილების გადამეტებას გულისხმობს. აღნიშნული სასჯელის სახედ და ზომად 3 წლამდე თავისუფლების აღკვეთას ითვალისწინებს. ამასთან, პროკურატურამ რეაგირების მიზნით სპეციალურ პენიტენციურ სამსახურს მიმართა.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი