უკრაინის შეიარაღებული ძალების საჰაერო ძალების სარდლობა აცხადებს, რომ უკრაინას პარტნიორი ქვეყნებისგან ახალი თვითმფრინავები არ მიუღია.

„აშშ-ის ხელისუფლების დახმარებით, უკრაინის შეიარაღებული ძალების საჰაერო ძალებმა მიიღო სათადარიგო ნაწილები და კომპონენტები შეიარაღებული ძალების თვითმფრინავების ფლოტის შესაკეთებლად და აღსადგენად, რაც მეტი აღჭურვილობის გამოყენების შესაძლებლობას მოგვცემს“, - აცხადებენ უკრაინის საჰაერო ძალებში.

შეგახსენებთ, პენტაგონის პრესსპიკერმა, ჯონ კირბიმ გუშინ განაცხადა, რომ უკრაინამ სხვა ქვეყნებისგან დამატებითი საბრძოლო თვითმფრინავები, ასევე თვითმფრინავის ნაწილები მიიღო, რაც მას საშუალებას მისცემს საჰაერო ძალები გააძლიეროს.