ირაკლი ზარქუა - ჟიგიმანტასი რომ ცნობილი გიჟიმანტასია თავის გამოსვლებით და მსჯელობით, ეს უკვე ვიცით, თავის ქვეყანაშიც იციან, ამიტომ ჩამოაქვეითეს და გახდა „ნაციონალური მოძრაობის" ლაქია

ჟიგიმანტასი რომ ცნობილი გიჟიმანტასია თავის გამოსვლებით და მსჯელობით, ეს უკვე ვიცით, თავის ქვეყანაშიც იციან, ამიტომ ჩამოაქვეითეს და გახდა „ნაციონალური მოძრაობის" ლაქია, - ამის შესახებ საპარლამენტო უმრავლესობის წევრმა ირაკლი ზარქუამ ჟურნალისტებთან განაცხადა.

მისივე თქმით, ჟიგიმანტას პავილიონისის განცხადებებს, საქართველოში ყურადღება არ უნდა მიაქციონ.

„მნიშვნელოვანი კომიტეტის თავმჯდომარე იყო, ასეთი არაადეკვატური გამოხტომების და განცხადებების გამო ჩამოაქვეითეს და გახდა „ნაციონალური მოძრაობის" ჩვეულებრივი ლაქია. რატომ გახდა ეს უნდა ვეძებოთ ძველ წარსულში, რა ურთიერთობები ჰქონდა სააკაშვილის მთავრობას მასთან და რით ჰყავთ გამოჭერილი ეს კაცი, რომ ასეთ თემებზე ალაპარაკებენ. ჩვენ ყურადღება არ უნდა მივაქციოთ, გიჟიმანტასები უამრავი გამოჩნდებიან. ერთია მთავარი, ჩვენ ვიცავთ საერთაშორისო და საქართველოს კანონმდებლობას, პატიმარ სააკაშვილს კონკრეტული ბრალი აქვს წარდგენილი და დამტკიცებული და შესაბამისად, სასჯელს ბოლომდე მოიხდის,"- განაცხადა ზარქუამ.ინფორმაციისთვის, ლიეტუვის სეიმის საგარეო და ევროპულ საქმეთა კომიტეტის წარმომადგენელი ჟიგიმანტას პავილიონისი "ნაციონალური მოძრაობის" ლიდერს ნიკა მელიას შეხვდა. როგორც მან შეხვედრის შემდეგ განაცხადა, "ქართული ოცნების“ ქმედებები უკრაინის წინააღმდეგ რუსეთის ომის ფონზე სულ მცირე, ღრმა აღშფოთებას იწვევს. ჟიგიმანტას პავილიონის თქმით, "ნაციონალური მოძრაობა" თავისუფლებისთვის ბრძოლას მოიგებს. პავილიონისმა სოციალურ ქსელში დაწერა, რომ უკრაინის გამარჯვება დაამყარებს თავისუფლებას არა მხოლოდ უკრაინაში, არამედ თბილისსა და მთელს კავკასიაში.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა