სლოვაკეთს სურს, რუსულ ნავთობზე ევროკავშირის მიერ ემბარგოს დაწესების შემთხვევაში, მასზე გამონაკლისი გავრცელდეს. ამის შესახებ სლოვაკეთის ეკონომიკის სამინისტროში განაცხადეს.

„თუ საქმე შეეხება რუსული ნავთობის დამტკიცებულ ემბარგოს, როგორც რუსეთის წინააღმდეგ სანქციების შემდგომი პაკეტის ნაწილს, მაშინ სლოვაკეთი მოითხოვს მისთვის გამონაკლისის დაშვებას“, - განაცხადა სლოვაკეთის ეკონომიკის სამინისტრომ საინფორმაციო სააგენტო Reuters-ის კითხვებზე საპასუხოდ.

ცნობისთვის, უნგრეთის პრემიერ-მინისტრმა ვიქტორ ორბანმაც განაცხადა, რომ გაფართოებული სანქციები, რომლებიც შეეხება ნავთობსა და გაზს, მისთვის „წითელი ხაზი“ იქნება.