აშშ-ის პრეზიდენტმა ჯო ბაიდენმა და გერმანიის კანცლერმა ოლაფ შოლცმა სატელეფონო საუბრის დროს განაცხადეს, რომ გააგრძელებენ რუსეთისთვის პასუხისმგებლობის დაკისრებას უკრაინაში მისი სასტიკი ქმედებების გამო, - ინფორმაციას თეთრი სახლი ავრცელებს.

მათივე ინფორმაციით, ლიდერებმა განიხილეს ძალისხმევა, რომელიც მიმართულია უკრაინის მთავრობისთვის უსაფრთხოებასთან დაკავშირებული დახმარების უზრუნველყოფისკენ და ძალადობის შედეგად დაზარალებული მილიონობით უკრაინელისთვის ჰუმანიტარული დახმარების აღმოჩენისკენ.

გერმანიის მთავრობის პრესსპიკერის, შტეფენ ჰებესტრეიტის განცხადებით, შოლცმა და ბაიდენმა ისაუბრეს სამხედრო ვითარებაზე და უკრაინისთვის მხარდაჭერის გაგრძელებაზე.