პირველ რიგში, სამოქმედო გეგმა ეხება იმას, რომ პოლიტიკური პატიმრები გავათავისუფლოთ - ეს არის ყველაზე მნიშვნელოვანი ახლა, - ამის შესახებ „ნაციონალური მოძრაობის“ ერთ-ერთა ლიდერმა, ხატია დეკანოიძემ პოლიტიკის საკითხებში აშშ-ის სახელმწიფო მდივნის უფროს მრჩეველთან, დერეკ შოლესთან შეხვედრის დაწყებამდე ჟურნალისტებთან საუბრისას განაცხადა.

მისივე თქმით, შეხვედრაზე გარდა უსაფრთხოების საკითხებისა, პოლიტიკური პატიმრების, საქართველოს მესამე პრეზიდენტის, მიხეილ სააკაშვილის და „მთავარი არხის“ გენერალური დირექტორის, ნიკა გვარამიას გათავისუფლების საკითხზე იმსჯელებენ.

„ყველაზე მნიშვნელოვანი საკითხი რაც ჩვენს პარტნიორებთან სასაუბრო გვაქვს ეს არის, რა თქმა უნდა, საქართველოში მიტაცებული სახელმწიფო. ჩვენ გვყავს პოლიტიკური პატიმარი მიხეილ სააკაშვილი, ნიკა გვარამია და ქვეყანაში ვითარება კიდევ უფრო მძიმდება,“ - განაცხადა დეკანოიძემ.