ირაკლი ღარიბაშვილი - კეზერაშვილი არის კრიმინალი, კორუმპირებული, სააკაშვილის ელიტური კორუფციის ფუძემდებელი

კეზერაშვილი არის კრიმინალი, კორუმპირებული. სააკაშვილის ელიტური კორუფციის ფუძემდებელია, - ასე უპასუხა პრემიერ-მინისტრმა ტელეკომპანია „ფორმულას“ ჟურნალისტს, რომელმაც ირაკლი ღარიბაშვილის ევროპარლამენტარების განცხადებებზე მთავრობის წევრების გამოხმაურების შესახებ ჰკითხა.

ჟურნალისტის კითხვაზე, თქვენც იზიარებთ აზრს, რომ ევროპარლამენტარები კრიმინალები არიან? - ღარიბაშვილმა უპასუხა: „ვინ თქვა ეს? ეს ზოგადია. აი, მე ვიცი, რომ თქვენი ტელევიზიის მფლობელი არის კრიმინალი. მთელმა საქართველომ იცის, რომ კეზერაშვილი არის კრიმინალი, კორუმპირებულია და სააკაშვილის ელიტური კორუფციის ფუძემდებელია. რაღა უნდა გიპასუხოთ?“ - მიმართა ღარიბაშვილმა ჟურნალისტს.

ამასთან, პრემიერ-მინისტრმა აღნიშნა, რომ გარკვეული ოპოზიციური ძალები დადიან, „აწრიალებენ 10-15 კაცს ევროპარლამენტში და ყველაფერს აკეთებენ იმისთვის, რომ ნეგატიური ფონი შექმნან მთავრობასთან დაკავშირებით“.

„ფაქტია, რომ ხელმოცარულ, გაკოტრებულ პოლიტიკურ ძალას ერთადერთი რამ სურდათ და სურთ - ქვეყანაში მეორე ფრონტის გახსნა და ამას ვერ მიაღწიეს. მეორეა ის, რომ ისინი ყველა ძალას იყენებენ, რომ რამენაირად ისევ ჩვენი ქვეყანა დაიჩაგროს, დაისაჯოს და არ იყოს პოზიტიური დასკვნა. ევროპელმა ლიდერებმა დამიდასტურეს, რომ დადიან, აწრიალებენ 10-15 კაცს ევროპარლამენტში და ყველაფერს აკეთებენ, რომ ნეგატიური ფონი შექმნან ჩვენთან დაკავშირებით ყოველგვარი არგუმენტების გარეშე. ეს არის რეალობა“, - განაცხადა ღარიბაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა