მიუხედავად წინასწარ დანთებული კოცონებისა, აღმოჩნდებიან გაწბილებულნი - მიხვდებიან, რომ საკუთარ თავს მახე დაუგეს, როცა სანქციების თემაზე ინტერპელაცია გამოიყენეს, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.

სარჯველაძე ოპოზიციას ინტერპელაციისთვის მომზადებას ურჩევს.

„დადგენილია პროცედურები და მკაფიოდ განსაზღვრული, ამაზე კითხვა დაუსვეს ირაკლი კობახიძესაც და ამასთან დაკავშირებით მანაც ბრძანა, რომ როგორც ამას პროცედურა ითვალისწინებს, მისი დაცვით განხორციელდება პროცედურები, ამიტომ მიუხედავად წინასწარ დანთებული კოცონებისა, აღმოჩნდებიან გაწბილებული. ჰოდა, მოემზადონ ახლა იმის ასახსნელად, როგორც შეიძლება მცირედი დამაჯერებლობა მისცენ იმ რისკებს, თითქოსდა საქართველო სანქციებთან მიმართებით შავი ხვრელი შეიძლება გახდეს. მგონი, მიხვდებიან, რომ საკუთარ თავს მახე დაუგეს, როცა ამ თემაზე ინტერპელაცია გამოიყენეს,“ - განაცხადა სარჯველაძემ.

ცნობისათვის, პარლამენტში ირაკლი ღარიბაშვილი ინტერპელაციის წესით „ლელომ“ დაიბარა.