გუბერნატორი - ლუგანსკის ოლქში 10 000-მდე რუსი ჯარისკაცი იმყოფება
ლუგანსკის ოლქის გუბერნატორის, სერჰი გაიდაის განცხადებით, ოლქში 10 000-მდე რუსი ჯარისკაცი იმყოფება.
„ეს ის ნაწილებია, რომლებიც მუდმივად იმყოფებიან ლუგანსკის ოლქში, რომლებიც ცდილობენ თავდასხმას და წარმატების მიღწევას ნებისმიერი მიმართულებით, სადაც კი შესაძლებლობა ექნებათ,“ - აღნიშნა გაიდაიმ.
გუბერნატორის ინფორმაციით, რუსული ძალები არ წყვეტენ მცდელობებს, უკრაინის ჯარების ზურგის მხარეს მიაღწიონ და ლუგანსკის ოლქის ლოჯისტიკა მოშალონ.
