კახა კალაძე - „თუ „ქართულმა ოცნებამ” მოახერხა ასოცირების ხელშეკრულების ხელმოწერა, მოქალაქეების ქართული პასპორტით ევროპაში თავისუფლად გადაადგილება, თავისუფალი ვაჭრობა, რატომ ვერ მოახერხებს წარმოდგენილი პირობების შესრულებას?

არანაირ პრობლემას არ წარმოადგენს ამ პირობების შესრულება. დარწმუნებული ვარ, რომ ჩვენ ღირსეულად გავართმევთ თავს ამ გამოწვევას, - ასე უპასუხა "ქართული ოცნების“ გენერალურმა მდივანმა, თბილისის მერმა კახა კალაძემ ჟურნალისტების კითხვას, შეძლებს თუ არა „ქართული ოცნება” ევროკომისიის 12- პუნქტიანი პირობის შესრულებას.

კალაძის განცხადებით, მას იმედი აქვს, რომ აღნიშნული პირობების შესრულების შემდეგ ევროპული საბჭო ღირსეულ გადაწყვეტილებას მიიღებს.

„თუ „ქართულმა ოცნებამ” 2012 წლიდან მოახერხა ასოცირების ხელშეკრულების ხელმოწერა, თუ მოახერხა ჩვენი ქვეყნის მოქალაქეების ქართული პასპორტით ევროპის ქვეყნებში თავისუფლად გადაადგილება, თუ “ქართულმა ოცნებამ” მოახერხა თავისუფალი ვაჭრობა ევროპასთან, რატომ ვერ მოახერხებს იმ პირობების შესრულებას, რომელიც წარმოდგენილია? არანაირი პრობლემას არ წარმოადგენს ამ პირობების შესრულება. დარწმუნებული ვარ, რომ ჩვენ ღირსეულად გავართმევთ თავს ამ გამოწვევას. მჯერა და მინდა დავიჯერო, რომ ევროპის მხრიდან, ევროპული საბჭოს მხრიდან, ამ პირობების შესრულების შემდეგ ღირსეული გადაწყვეტილება იქნება მიღებული და საქართველო გახდება იმ დიდი ევროპული ოჯახის წევრი, რომელსაც ევროპა და ევროკავშირი ჰქვია”,- განაცხადა კალაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება