თქვენი ევროპელობა არ გაიშვა, თქვენ ევროკავშირში კი არა, არსად მიგიღებდნენ, - ასე მიმართა „ქართული ოცნების“ დეპუტატმა ალუდა ღუდუშაურმა „ნაციონალური მოძრაობის“ წევრებს პარლამენტის პლენარულ სხდომაზე, სადაც პრემიერ-მინისტრი ირაკლი ღარიბაშვილი წლიური ანგარიშით წარდგა.

ალუდა ღუდუშაურმა „ნაციონალური მოძრაობის" მმართველობის პერიოდზეც ისაუბრა.

„პატრონი არ ჰყავდა ქვეყანას და ვერავის პოულობდნენ 2008 წელს იმისათვის, რომ გვეკითხა, როგორ უნდა მოვიქცეთ, იარაღი ავიღოთ, ვიომოთ, ვიბრძოლოთ, თუ რა ვქნათ ? დღეს კი, გამოდიან და რაღაცებზე საუბრობენ. აი, ამათ თავზე დეპოლარიზაციის წაკითხვა რამდენად არის შესაძლებელი, ეს არის საკითხავი. მინდა მივმართო საზოგადოებას და თქვენ, ძალიან აჟიტირებულები რომ იყავით, როგორ მიგყავდათ ქვეყანა, ახლა რომ გახდით თითქოს ევროპელები, ყავარჯნიანი კაცით მიგყავდათ, მეგისა ქარდავას მიერ გაუპატიურებული ხალხით მიგყავდათ, ციხეებში გაუბედურებული ხალხით მიგყავდათ, თუ როგორ შეგყავდათ ხალხი ევროპაში? თქვენი ევროპელობა არ გაიშვა, თქვენ ევროკავშირში კი არა, არსად მიგიღებდნენ“, - განაცხადა ალუდა ღუდუშაურმა.

ამასთან, მან პრემიერ-მინისტრს “მოხევეებისგან მადლობა გადასცა მისი გონივრულობისა და ღირსეულობისთვის“.