დედაქალაქის მერმა, კახა კალაძემ საქანელას ქუჩაზე ახლად გახსნილი სასტუმრო „კარუსელი“ დაათვალიერა.

თბილისის მერის თქმით, ის მსგავსი ტიპის პროექტების განხორციელებას მიესალმება, რომელიც მოქალაქეების დასაქმებას ხელს უწყობს.

„დედაქალაქში კიდევ ერთი სასტუმრო გაიხსნა, რაც დაახლოებით, 16 ნომერზეა გათვლილი. მიხარია, რომ ბოლო წლების განმავლობაში, თბილისში ბევრი სასტუმრო გაიხსნა და სამუშაო ადგილები იქმნება. სასიხარულოა, რომ ჩვენს ქვეყანაში პანდემიის შემდეგ, ტურისტების რაოდენობა გაიზარდა. იქმნება ახალი სასტუმროები, კაფეები, ჰოსტელის ტიპის დასასვენებელი სივრცეები. მსგავსი პროექტების განხორციელებას ყოველთვის მივესალმებით. კონკრეტულად ამ სივრცეში, დაახლოებით, 20-მდე ადამიანი იქნება დასაქმებული“, - განაცხადა კახა კალაძემ.