მსჯავრდებულთა მიწვევით, საქართველოს პარლამენტის წევრები მიხეილ სარჯველაძე, ქეთევან დუმბაძე და მაია მენაღარიშვილი მარჯანიშვილის თეატრში, მსჯავრდებულთა მონაწილეობით დადგმულ სპექტაკლს დაესწრნენ. ინფორმაციას ამის შესახებ საქართველოს პარლამენტი ავრცელებს.

„ციხის თავზე ანგელოზები დაფრინავენ"- ასე ჰქვია სპექტაკლს, რომელიც N5 (ქალთა) პენიტენციური დაწესებულების მსჯავრდებულებმა დადგეს. მათივე მომზადებული იყო სპექტაკლის სცენარი, რეჟისურა და სასცენო რეკვიზიტები. სპექტაკლში 19 მსჯავრდებული მონაწილეობდა.

მათივე ცნობით, სპექტაკლს იუსტიციის სამინისტროს, განათლებისა და მეცნიერების სამინისტროსა და საპატრიარქოს წარმომადგენლები ესწრებოდნენ.