„ქართული ოცნების“ თავმჯდომარის, ირაკლი კობახიძის განცხადებით, პარალელური ფორმატის ადგილი საქართველოში არ არის. მისი თქმით, ქვეყანაში ერთი ხელისუფლებაა და სამუშაო პროცესიც ერთია.
როგორც ირაკლი კობახიძემ ბრიფინგზე განაცხადა, საპარლამენტო ფორმატში შექმნილია შესაბამისი სამუშაო ჯგუფები და ევროკომისიის მიერ 12-პუნქტიანი რეკომენდაციის შესრულებისთვის მუშაობა ამ ფორმატში გაგრძელდება.
„ამ ქვეყანაში ერთი ხელისუფლებაა და სამუშაო პროცესიც არის ერთი. წარიმართება ოფიციალური სამუშაო პროცესი, რომელიც უკავშირდება 12 პუნქტის შესრულებას. შექმნილია შესაბამისი სამუშაო ჯგუფები საპარლამენტო ფორმატში და შესაბამისად, ჩვენ ამ ფორმატში გავაგრძელებთ მუშაობას. არავითარი პარალელური ფორმატის ადგილი საქართველოში არ არის. მათ ჯერ „ტექნიკური მთავრობა“ უნდოდათ, ვერ მიაღწიეს , ახლა „ტექნიკური პარლამენტის“ ჩამოყალიბება სცადეს, ეს ვერ იქნება ჩვენი მხრიდან სერიოზულად აღქმული“,- განაცხადა კობახიძემ.