თბილისის მერის, კახა კალაძის განცხადებით, დიდ დიღომში მომხდარი აფეთქების დროს დაზარალებულებისთვის ალტერნატიული ფართების შეთავაზების აუცილებლობა თუ დადგება, მერია ამისთვის ყველაფერს გააკეთებს.

“თითეულ ჩვენგანს მეტი სიფრთხილე გვმართებს. რაც შეეხება დაზარალებულებს, რა თქმა უნდა, ჩვენ ყველაფერს გავაკეთებთ იმისათვის თუ ვინმეს გადაყვანის აუცილებლობა იქნება. დაშავებულებს ვუსურვებ გამოჯანმრთელებას”,- განაცხადა კალაძემ.

დიდ დიღომში აფეთქება დღეს გამთენიისას მოხდა. დაშავებულები ნიგერიის მოქალაქე ქალი და ბავშვი არიან. ასევე დაშავებულია მამაკაცი, ის ადგილობრივების ინფორმაციით, აფეთქების დროს გვერდზე სახლში იმყოფებოდა.