მამუკა მდინარაძე - ქართველების იმიჯი ზიანდება როცა, საქართველოს მოსახლეობას ჰკადრებენ, რომ მათ არჩეული ჰყავთ ხელისუფლება, რომელიც რუსეთის საქმეს აკეთებს

ქვეყნის გარეთ, მსოფლიოში, უმრავლესობამ, ერთეულების გარდა, სულ არ იცის „ქართული ოცნებაა“ საქართველოს მმართველი პარტია, თუ ვინ არის პრემიერი, ვინ არის პარტიის თავმჯდომარე და ა.შ. მათ იციან საქართველო და ქართველები. ქართველების იმიჯი ზიანდება იმით, რომ საქართველოს მოსახლეობას ჰკადრებენ, რომ მათ არჩეული ჰყავთ ისეთი ხელისუფლება, რომელიც რუსეთის საქმეს აკეთებს, - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ ოპოზიციაზე საუბრისას განაცხადა.

მისი თქმით, ოპოზიცია და ოპოზიციური მედია ქვეყნით შიგნით „ქართულ ოცნებას“ დაზიანებას ცდილობს, თუმცა ვერ ახერხებს.

ამასთან, მამუკა მდინარაძემ უსაფრთხოების საკითხზე ისაუბრა და განაცხადა, რომ „მოგონილ პანიკებს არ უნდა ვთესავდეთ.

„საქართველოს საბანკო სისტემას ეროვნული ბანკის მხრიდან ადეკვატური და რელევანტური კონტროლი ისედაც დაწესებული აქვს. შესაბამისი რისკები და საფრთხეები თუ იქნება, რუსეთის მოქალაქე იქნება, თუ სხვა, რისკებს ისედაც გადის. გარდა ამისა, უსაფრთხოების საკითხებში სუს-ი გვყავს ქვეყანაში, რომელიც მუშაობს და ამ საკითხებს გადიან.

ომის დაწყებიდან პანიკა ტალღებად იწეოდა - ჯერ რუს ტურისტებთან დაკავშირებით, შემდეგ შპს-ებთან დაკავშირებით, შემდეგ ანგარიშებთან დაკავშირებით, მერე დაბრუნებულ და დარჩენილ ადამიანებთან დაკავშირებით და ა.შ. ყველა ისტერია ხომ გადავიდა, ტალღებად იყო, ჩაიარა და ყველა ტყუილი აღმოჩნდა?! ჩვენ ვისთანაც უნდა გვქონდეს პრეტენზია ოკუპაციასთან დაკავშირებით, იმ ქვეყნის ხელისუფლებასთან დაკავშირებით და რასაც უნდა ვაკეთებდეთ უკრაინის მხარდასაჭერად, მათ შორის ჰააგაში სისხლის სამართლის წესით უკრაინის საჩივარს რომ ვუერთდებით და ამას ბევრი ქვეყანა ვერ აკეთებს, ამას უნდა აღვნიშნავდეთ და არა მოგონილ პანიკებს უნდა ვთესავდეთ საზოგადოებაში უსაფრთხოების საკითხებთან დაკავშირებით, რომელსაც საფუძველი არ გააჩნია. მე მგონია, რომ უსაფუძვლო და „ფეიკ“ განგაშები მხოლოდ და მხოლოდ აზიანებს ქვეყანას.

საბოლოო ჯამში რასთან მივდივართ იცით?! ქვეყნის შიგნით ოპოზიცია ხომ ცდილობს „ქართული ოცნების“ დაზიანებას, ოპოზიციური მედია ცდილობს „ქართული ოცნების“ დაზიანებას, ვერ გვაზიანებს, პირიქით, რეიტინგი გვემატება და ამ დროს ქვეყნის გარეთ ზიანდება არა „ქართული ოცნება“, ქვეყნის გარეთ, მსოფლიოში უმრავლესობამ, ერთეულების გარდა სულ არ იცის „ქართული ოცნებაა“ საქართველოს მმართველი პარტია, თუ ვინ არის პრემიერი, ვინ არის პარტიის თავმჯდომარე და ა.შ. მათ იციან საქართველო და ქართველები და ქართველების იმიჯი ზიანდება იმით, რომ საქართველოს მოსახლეობას ჰკადრებენ, რომ მათ არჩეული ჰყავთ ისეთი ხელისუფლება, რომელიც რუსეთის საქმეს აკეთებს და ამას აკეთებენ მართლა რუსული საქმის მკეთებლები. ადამიანები, რომლებმა ხელი მოუწერეს რუსეთს, რომ სამხედრო მოქმედებები ჩვენმა სამხედროებმა დაიწყეს. ეს ხალხი აკეთებს ამას და აზიანებს არა „ქართული ოცნებას“, შიგნით ვერაფერს ვერ გვიშვრებიან, არამედ აზიანებენ საქართველოს საერთაშორისო იმიჯს და ქართველი ხალხის იმიჯს ქვეყნის ფარგლებს გარეთ“, - განაცხადა მდინარაძემ.

გარდა ამისა, ჟურნალისტის კითხვაზე, აზიანებს თუ არა „ქართული ოცნებიდან“ გასული დეპუტატების განცხადებები ქვეყნის იმიჯს, მდინარაძემ უპასუხა, რომ დეპუტატების განცხადებების შესახებ ქვეყნის გარეთ პრაქტიკულად არავინ იცის.

„თქვენ როგორ გგონიათ ქვეყნის გარეთ მათი განცხადებების შესახებ რამდენმა იცის, თუ საქართველოთი და ქართული პოლიტიკით არ არის დაინტერესებული, რამდენმა ადამიანმა იცის?! არავინ, პრაქტიკულად. ის, რომ მოლდოვას და უკრაინას მიენიჭა სტატუსი და ამ ეტაპზე საქართველომ პერსპექტივა მიიღო, ის, რომ საერთაშორისო მედიებში იწერება სპეკულაციური და „ფეიკ“ სტატიები, რომ საქართველოში არის პრორუსული ხელისუფლება და ასეთი „ფეიკები“ იდგმება - ეს ნამდვილად აზიანებს“, - განაცხადა მდინარაძემ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია