NDI - წამლების საფასური მოსახლეობისთვის კიდევ უფრო დიდი გამოწვევა გახდა
„ეროვნულ-დემოკრატიული ინსტიტუტის“ (NDI) კვლევის თანახმად, წამლების საფასური მოსახლეობისთვის კიდევ უფრო დიდი გამოწვევა გახდა.
კითხვაზე: რა არის ამჟამად ჯანდაცვის წინაშე მდგარი ყველაზე დიდი გამოწვევა? - გამოკითხული მოსახლეობის 76%-სთვის - წამლების ფასი; 41%-სთვის სამედიცინო მომსახურების/ექიმთან ვიზიტის საფასური; 30%-სთვის- ექიმების და სამედიცინო პერსონალის პროფესიონალიზმის/კვალიფიკაციის ნაკლებობა; 26%-სთვის წამლების დაბალი ხარისხი; 9%-სთვის ბიუროკრატია ჯანდაცვის სისტემაში;
ცნობისთვის, ანგარიში 14 ივლისიდან - 15 აგვისტომდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). აგვისტოში ჩატარებული გამოკითხვა სულ 2,104 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 2 პროცენტია.
v-if="article.gallery" v-html="article.gallery"
