NDI-ის კვლევის თანახმად, საქართველოში ინტერნეტის მოხმარების მაჩვენებელი მნიშვნელოვნად გაიზარდა
ეროვნული დემოკრატიული ინსტიტუტის (NDI) კვლევის თანახმად, საქართველოში ინტერნეტის მოხმარების მაჩვენებელი მნიშვნელოვნად გაიზარდა.
კერძოდ, მიმდინარე წლის აგვისტოს მონაცემებით, გამოკითხული მოსახლეობის 76% ინტერნეტს კვირაში ერთხელ მაინც მოიხმარს, მაშინ როდესაც იგივე მაჩვენებლი 2020 წლის აგვისტოში 71% იყო. ინტერნეტს უფრო იშვიათად იყენებს 5%, ხოლო არასდროს 19%.
კვლევის თანახმად, უფროსი ასაკის მოქალაქეებში, სოფლის ტიპისა და უმცირესობების დასახლებებში ინტერნეტის მოხმარება კვლავ შედარებით დაბალია. სოფლებში ინტერნეტს კვირაში ერთხელ მაინც გამოკითხულთა 67% მოიხმარს, 27% კი არასდროს.
ეროვნულ-დემოკრატიული ინსტიტუტისა და CRRC-საქართველოს მიერ გამოქვეყნებული ანგარიში 14 ივლისიდან - 15 აგვისტომდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). აგვისტოში ჩატარებული გამოკითხვა სულ 2,104 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 2 პროცენტია.
v-if="article.gallery" v-html="article.gallery"
