ლევან იოსელიანი რუსებზე - დღეს ეს ადამიანები აღარ არიან ტურისტები, ეს არის კონკრეტული ჯგუფი, ე.წ. დეზერტირები  - თუ ყველას შემოუშვებ, ვინც ომს გამოექცევა, ქართველების ადგილი აღარ იქნება

აქამდე მეც ვამბობდი, რომ ტურისტების ეთნიკური ნიშნით გარჩევა არ არის სწორი, მაგრამ დღეს სხვა მოცემულობასთან გვაქვს საქმე, დღეს ეს ადამიანები აღარ არიან ტურისტები , - ამის შესახებ „მოქალაქეების“ ლიდერმა, ლევან იოსელიანმა „პალიტრანიუსის“ გადაცემა „პოლიტიკურ სივრცეში“ საქართველოში შემოსულ რუსეთის მოქალაქეებზე საუბრისას განაცხადა.

მისი თქმით, რუსეთიდან საქართველოში შემოსულ ადამიანებს დღეს სურთ თავი აარიდონ ომში წასვლას, მაგრამ არავინ იცის, ამი შემდეგ, რა გეგმები აქვთ.

„ეს არის კონკრეტული ჯგუფი, ძირითადად მამაკაცების, რომლებიც იქ სამხედრო სამსახურს არიდებენ თავს, ე.წ. დეზერტირები და მათ უნდათ საქართველოში აარიდონ თავი თავიანთ სამხედრო სამსახურს, წინასწარ არ ვიცით, რომ ეს ხალხი კეთილგანწყობილია საქართველოს მიმართ, არ ვიცით, ისინი საქართველოს ტერიტორიულ მთლიანობას აღიარებენ თუ არა. დღეს უნდათ თავიანთი პრობლემა მოიგვარონ და თავია არიდონ გაწვევას, მაგრამ არ ვიცით მერე რა გეგმები აქვთ. ეს რომ იყოს 100-200 კაცი, კი ბატონო, ეს არ იქნებოდა დიდი პრობლემა, მაგრამ როცა 70 ათას ადამიანზეა საუბარი და აქედან 16 ათასი დარჩა საქართველოში, მე ვფიქრობ ეს დასაფიქრებელია და სახელმწიფომ უნდა გადადგას კონკრეტული ნაბიჯები იმისთვის, რომ რაღაც ფილტრაცია მოხდეს ამ ადამიანების შემოშვებისას“, - განაცხადა ლევან იოსელიანმა.

ლევან იოსელიანის თქმით, თუ ხელისუფლება რუსეთის ყველა მოქალაქეს შემოუშვებს, ვისაც ომში წასვლა არ უნდა, საქართველოში ქართველების ადგილი აღარ იქნება.

„სრულად ჩაკეტვას არ ვემხრობი იმიტომ, რომ ამით შეიძლება დააზარალო იმ ხალხი, რომელიც გამოურბის სიკვდილს. ადამიანი თუ სიკვდილს გამოურბის უნდა შემოუშვა. მე ვემხრობი ამ ადამიანების შემოწმებას. ნუ შემოვა ერთ დღეში 10 ათასი კაცი, შემოვიდეს 1 000 კაცი, მაგრამ ეს 1 000 კაცი იყოს მაქსიმალურად შემოწმებული და უნდა ვიყოთ დაზღვეულები, რომ ისინი რამე პრობლემის იმპორტს არ ახდენენ ჩვენს ქვეყანაში, ეს არის მთავარი, თორემ პატარა ქვეყანაა ჩვენი ქვეყანა და რუსეთში იმდენი ხალხი ცხოვრობს, ყველას თუ შემოუშვებ, ყველას, ვინც ომს გამოექცევა, ქართველების ადგილი აღარ იქნება“, - განაცხადა ლევან იოსელიანმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს