დეკანოზ ანდრია ჯაღმაიძის განცხადებით, საპატრიარქომ იუნესკოში წერილი გააგზავნა, რომ მათი ჩარევით მოხდეს გელათის სამონასტრო კომპლექსში მეთოდიკის და შემდეგი სამუშაოების წარმართვა
საქართველოს საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებით, საპატრიარქომ იუნესკოში წერილი გააგზავნა, სადაც ითხოვენ, რომ მათი ჩარევით მოხდეს გელათის სამონასტრო კომპლექსში მეთოდიკის და შემდეგი სამუშაოების წარმართვა. აღნიშნულით მან ჟურნალისტის კითხვას უპასუხა, როგორ შეაფასებს გელათის მონასტერში მიმდინარე მოვლენებს, იმ ფაქტს, რომ მთავარი ფრესკები ზიანდება.
როგორც ანდრია ჯაღმაიძე განმარტავს, საპატრიარქო ჩართულია ამ საკითხში.
„საპატრიარქომ მოიწვია იუნესკოს ძალიან მაღალი კვალიფიკაციის სპეციალისტები და მათ დადეს დასკვნა. შეჩერდა ის სამუშაოები, რაც მიმდინარეობდა. ახლა კვლავ გვაქვს გაგზავნილი იუნესკოში წერილი თხოვნით, რომ მათი ჩარევით მოხდეს მეთოდიკის და შემდეგი სამუშაოების წარმართვა. სპეციალისტებმა უნდა ისაუბრონ, მაგრამ მგონი, ფრესკების გადარჩენაზე არაა საკითხი, დაზიანებები არის, ამაზე სპეციალისტებმა უნდა თქვან",- აღნიშნავს ჯაღმაიძე.
v-if="article.gallery" v-html="article.gallery"
