თბილისში, ლაღიძის ქუჩაზე აფეთქება მოხდა. არსებული ინფორმაციით, ქუჩაში სავარაუდოდ, ხელყუმბარა აფეთქდა, არიან დაშავებულები.
ადგილზე მობილიზებულია პოლიცია და საგამოძიებო მოქმედებები მიმდინარეობს.
„აფეთქების ხმა გავიგე. დაშავებული სასწრაფო სამედიცინო დახმარების ბრიგადამ წაიყვანა. ახალგაზრდა ბიჭი იყო დაჭრილი, რომელიც ამბობდა მთაწმინდაზე ვცხოვრობო“, - აცხადებს ერთ-ერთი თვითმხილველი.
ადგილზე მყოფი გერმანელი ტურისტი კი ამბობს, რომ შემთხვევის ადგილთან ახლოს ცხოვრობს და აფეთქების ხმა დაახლოებით 2 საათის წინ გაიგო.