თბილისის საკრებულო ღრმა მწუხარებას გამოთქვამს საქართველოს პარლამენტის წევრის ირაკლი ხახუბიას გარდაცვალების გამო.

„ის იყო ღირსეული პიროვნება, თავისი ქვეყნისა და საქმის ერთგული ადამიანი.

თანავუგრძნობთ მისი ოჯახის წევრებს, მეგობრებსა და კოლეგებს“,- აღნიშნულია თბილისის საკრებულოს სამძიმარში.

შეგახსენებთ, რომ „ქართული ოცნების“ წევრი დეპუტატი ირაკლი ხახუბია საკუთარ სახლში გარდაცვლილი დილით, ოჯახის წევრებმა იპოვეს. არსებული ინფორმაციით, დეპუტატმა სიცოცხლე თვითმკვლელობით დაასრულა. გავრცელებული ცნობით, ადგილზე ნაპოვნია ცეცხლსასროლი იარაღი.

ფაქტთან დაკავშირებით საქართველოს შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.