გიორგი ტყემალაძე - იქიდან გამომდინარე, რომ საკრებულოს სხდომაზე გარკვეული დაძაბულობა იყო, გადაწყვეტილება მივიღე, რომ პოლიტიკური დებატები შეგვეწყვიტა

გამომდინარე იქედან, რომ საკრებულოს სხდომაზე ბოლოს გარკვეული დაძაბულობა იყო, მე მივიღე ნამდვილად გადაწყვეტილება, რომ შეგვეწყვიტა პოლიტიკური დებატები და გადავსულიყავით დღის წესრიგით გათვალისწინებულ საკითხებზე, - ამის შესახებ თბილისის საკრებულოს თავმჯდომარემ, გიორგი ტყემალაძემ ჟურნალისტებთან საუბრისას განაცხადა.

მისივე თქმით, მმართველ გუნდს მიაჩნია, რომ ვაკის პარკში მომხდარი ტრაგედიის პოლიტიზირება არ უნდა მოხდეს და ამიტომ არ დაინიშნა რიგგარეშე სხდომა.

“უახლოეს პერიოდში დაგეგმილია საკრებულოში მერის წლიური ანგარიში. ჩვენ არასდროს და პირველ რიგში კახა კალაძე არ არიდებს არანაირ კითხვას და პასუხისმგებლობას თავს. თქვენ ნახეთ, რომ დაახლოებით 2 საათის განმავლობაში ორივე მხრიდან იყო გაკეთებული განცხადებები. გამომდინარე იქედან, რომ ბოლოს გარკვეული დაძაბულობა იყო და ესეც ალბათ ზოგადი ფონიდან და მდგომარეობიდან გამომდინარე ბუნებრივი იყო, მე მივიღე ნამდვილად გადაწყვეტილება, რომ შეგვეწყვიტა პოლიტიკური დებატები და გადავსულიყავით დღის წესრიგით გათვალისწინებულ საკითხებზე. ასევე მინდა ვთქვა, რომ სამწუხაროდ დღეს არავის უსაუბრია ძალიან მნიშვნელოვან საკითხებზე, რომლებსაც დღეს ვიღებთ საკრებულოს სხდომაზე," - განაცხადა გიორგი ტყემალაძემ.

შეგახსენებთ, დედაქალაქის საკრებულოს დღევანდელ სხდომაზე სიტუაცია რამდენჯერმე დაიძაბა. ოპოზიციამ უკმაყოფილება გამოთქვა, იმის გამო, რომ თბილისის მერი კახა კალაძე საკრებულოს რიგგარეშე არ მივიდა. უმრავლესობის წარმომადგენლებმა კი განაცხადეს, რომ ოპოზიცია ვაკის პარკში მომხდარი ტრაგედიის პოლიტიზირებას ცდილობს და ტრაგედიით სპეკულირებს. ოპოზიციის ნაწილმა პროტესტის ნიშნად, თბილისის საკრებულოს სხდომა დატოვა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს