ნიკოლოზ სამხარაძე „თანამედროვე დიპლომატია და საერთაშორისო პოლიტიკა: გლობალური გამოწვევები და ქართული რეალობა"  - კურსის მონაწილეებს შეხვდა

საგარეო ურთიერთობათა კომიტეტის თავმჯდომარე, ნიკოლოზ სამხარაძე „NX"-ის მიერ ორგანიზებულ „თანამედროვე დიპლომატია და საერთაშორისო პოლიტიკა: გლობალური გამოწვევები და ქართული რეალობა" კურსის მონაწილეებს შეხვდა. ამის შესახებ ინფორმაციას პარლამენტის პრესსამსახური ავრცელებს.

მათი ცნობით, ნიკოლოზ სამხარაძემ საქართველოს საგარეო პოლიტიკის პრიორიტეტებზე, საპარლამენტო დიპლომატიის მნიშვნელობაზე და მისი განხორციელების გზებზე ისაუბრა.

“საგარეო ურთიერთობათა კომიტეტის თავმჯდომარემ ხაზი გაუსვა ევროპულ და ევროატლანტიკურ სტრუქტურებში ინტეგრაციის გზაზე, საქართველოს ხელისუფლების მიერ გადადგმულ ნაბიჯებს; ყურადღება გაამახვილა ევროკავშირის კანდიდატის სტატუსის მისაღებად 12 პუნქტიანი რეკომენდაციების შესრულების პროცესზე.

შეხვედრაზე სამხრეთ კავკასიის რეგიონის უსაფრთხოების საკითხები, უკრაინაში მიმდინარე რუსული აგრესია და საქართველოს ოკუპირებულ რეგიონებში არსებული ვითარება განიხილეს“,- ნათქვამია ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს