ნონა მამულაშვილს სადეპუტატო უფლებამოსილება შეუწყდა

ფრაქცია “ნაციონალური მოძრაობის“ წევრს ნონა მამულაშვილს სადეპუტატო უფლებამოსილება შეუწყდა.

შესაბამისი გადაწყვეტილება პარლამენტმა 89-ხმით, 4-ის წინააღმდეგ მიიღო.

მამულაშვილი პარლამენტიდან და ასევე პარტიიდან საკუთარი გადაწყვეტილებით წავიდა.

როგორც მამულაშვილმა განმარტა, მეათე მოწვევის პარლამენტი ყველაზე სამარცხვინო პარლამენტია დამოუკიდებლობის ისტორიაში. რაც შეეხება "ნაციონალურ მოძრაობას", მისი შეფასებით, პარტია დიდი ხანია დაიცალა პოლიტიკისგან, ხოლო სისტემური პრობლემები სიახლის და გაჯანსაღების შესაძლებლობას არ იძლევა.

აღსანიშნავია, რომ ნონა მამულაშვილისთვის სადეპუტატო მანდატის შეწყვეტის შემდეგ, პარლამენტში მისი ადგილმონაცვლე ვერ შევა, რადგან საპარლამენტო ოპოზიციის, მათ შორის პარტია "ერთიანი ნაციონალური მოძრაობის" საარჩევნო სია გაუქმებულია. შედეგად ფრაქციამ “ნაციონალური მოძრაობა“ მეოთხე მანდატი დაკარგა, საპარლამენტო ოპოზიცია კი ჯამში, რვა მანდატის გარეშე დარჩა.

პარლამენტში ადგილმონაცვლეები არ ჰყავთ ნიკა მელიას, ზაალ უდუმაშვილს, ლევან ვარშალომიძეს, მამუკა ხაზარაძეს, ბადრი ჯაფარიძეს, ელენე ხოშტარიასა და შალვა ნათელაშვილს. მათი მანდატები გაუქმებულია. ნონა მამულაშვილისთვის უფლებამოსილების შეწყვეტის შემდეგ მისი მანდატიც გაუქმდება.

ლევან ლორთქიფანიძე - დამოუკიდებლობის დღეს ვხვდებით შფოთით, ბრაზით, არასტაბილურობის შეგრძნებით და ბუნდოვანი მომავლით
ქართული პრესის მიმოხილვა 22.05.2025
სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD World Elite ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის